‌

ئه‌م سێ ( به‌هاره‌ شیعره‌ ) پێشكه‌ش به‌هه‌مو كوردان

نیگه‌رانى

خۆشه‌ویستیت ...

ئه‌ڵێى بارانى به‌هاره‌

لێى تێناگه‌م ،

بۆچى وا پچڕ ِپچڕه‌ . جارى وایه‌ وه‌ك چاخى سه‌هۆڵبه‌ندانه‌

به‌‌شێوه‌یه‌‌ك ساردو سڕه‌ .

جارى واشه‌ ...

وه‌ك پشكۆى ده‌م ئاگردانه‌‌ ،

یه‌‌كپارچه‌ بڵێسه‌و گرِه‌!!.

تۆ كچه‌كوردى

خۆ پایزنیت....

ئه‌‌گه‌‌ر گه‌ڵاى زه‌‌رد نه‌‌پۆشیت ،

له‌‌ڕووت نه‌‌یه‌‌ت بجیته‌ ده‌‌ر

خۆ زستان نیت...

شه‌رم بكه‌یت ،

هه‌ر كه‌‌هاتى تاراى به‌‌فر بخه‌‌یته‌ سه‌ر .

تۆ كچه‌‌ كوردى ...

به‌جلى كوردییه‌‌وه‌ جوانى

ده‌بیپۆشه‌‌و

پشتێنێكى ئاوریشمى پان بگره‌ كه‌‌مه‌ر !!.

وه‌ره‌‌

من ده‌ستێكم پڕ له‌‌ ئازار ،

چاوێكم به‌بێ گلێنه‌

تۆش ده‌ستێكیت ده‌سه‌ڵاتدار ،

چاوێكیت جوان و بێ وێنه‌ .

وه‌ره‌ بۆلام ده‌ستم بگره‌ ،

ڕۆحم پرِكه‌‌ له‌‌ سه‌‌وزایى

وه‌ره‌‌ چاو له‌‌چاوم ببرِه‌ ،

به‌‌ڵكو به‌تیشكى چاوانت ...

پێم به‌خشیته‌‌وه‌‌ بینایی !.