کلیلی چاره‌سه‌ریی پرسی کورد له‌ ده‌ستی ئۆجه‌لان دایه‌

 کوردستانیوز؛ ئورهان میراوغڵۆ سیاسه‌توان و ڕۆژنامه‌وانی کوردی تورکیا ڕایگه‌یاند که‌ کلیلی چاره‌سه‌ریی پرسی کورد له‌و وڵاته‌ و

 کۆتایی هاتنی شه‌ڕی چه‌کداری پارتی کرێکارانی کوردستان له‌ ده‌ستی عه‌بدوڵڵا ئۆجه‌لان دایه‌.
 ئورهان میراوغڵۆ که‌ له‌م دواییانه‌دا‌ کتێبێکی ڕه‌خنه‌گه‌رانه‌ی له‌سه‌ر سیاسه‌ته‌کانی په‌که‌که‌ و بنه‌ما هزرییه‌کانی عه‌بدوڵڵا ئۆجه‌لان له‌سه‌ر

ناوی "به‌ خاکسپاردنی چه‌که‌کان" نووسیوه، له‌ دیمانه‌یه‌کی له‌گه‌ڵ ‌"NTV msnbc" ڕایگه‌یاند: "له‌سه‌ر ئه‌و بڕوایه‌م بارودۆخی تورکیا و

ناوچه‌كه‌ ئه‌وه‌ ده‌خوازێت که‌ شه‌ڕی گه‌ریلاكانى پارتی کرێکارانی کوردستان کۆتایی پێبهێنرێت و چه‌که‌کان بێده‌نگ بکرێن."
جه‌ختیشی کردووه‌ته‌وه‌ له‌سه‌ر ئه‌وه‌ى :"بۆ گه‌یشتن به‌م مه‌به‌سته‌ هه‌وڵی یه‌کلایه‌نه‌ هیچ ئه‌نجامێکی نابێت و ده‌وڵه‌ت ده‌بێ نیشانی بدات که‌

 خوازیاری ئاشتییه‌."
ئورهان میراوغڵۆ وتیشی: "به‌ بڕوای من ئێستاکه‌ له‌ ڕیزه‌کانی په‌که‌که‌دا کۆده‌نگی له‌سه‌ر ئه‌م مه‌سه‌له‌یه‌ بوونی نییه‌ و کلیلی ئه‌م کێشه‌یه‌‌ له‌

 ده‌ستی عه‌بدوڵڵا ئۆجه‌لان دایه‌، ئه‌گه‌ر ئۆجه‌لان له‌ ئیمراڵییه‌وه‌ فه‌رمان به‌ چه‌کدارانی په‌که‌که‌ بدات بۆ وازهێنان له‌ چه‌ک، ئه‌وا ئه‌م ئامانجه‌

 دێته‌دی."
زیاتر وتی: به‌ بڕوای من KCK ده‌بێ ڕۆژ له‌ دوای ڕۆژ سیاسه‌ته‌کانی له‌ سیاسه‌ته‌کانی پارتی ئاشتی و دیموکراسی نزیکتر بکاته‌وه،‌ به‌ڵام

مه‌خابن ئێستاکه‌ پێچه‌وانه‌که‌ی ده‌بینین و BDP له‌ تاکتیکه‌کانیدا پێداچوونه‌وه‌ی به‌ سیاسه‌ته‌کانی کرد و وه‌کوو KCK کار ده‌کات که‌ ئه‌مه‌ هیچ قازانجێک به‌ بارودۆخی سیاسی ئێستا ناگه‌یێنێت.