بان کی مۆن پیرۆزبایی جەژنی نه‌ورۆزی پیرۆز کرد

  ئه‌مینداری گشتیی ڕیکخراوه‌ی نه‌ته‌وه‌یه‌کگرتووه‌کان (بان کی مۆن) له‌ په‌یامێک دا پیرۆزبایی له‌ هه‌موو ئه‌و گه‌لانه‌ کرد که‌ جێژنی نه‌ورۆز به‌ڕێوه‌ ده‌به‌ن .

دوێنێ چوار شەممە بان کی مۆن به‌بۆنه‌ی هاتنه‌وه‌ی جێژنی نه‌ورۆز و هاتنی ساڵی نوێی هه‌تاوی، په‌یامێکی پێرۆزبایی ئاڕاسته‌ی هه‌موو ئه‌و که‌سانه‌ی کرد که‌ جێژنی نه‌ورۆز به‌ڕیوه‌و ده‌بن و هیواشی خواست هه‌مووی خه‌ڵک ئه‌م بۆنه‌یه‌ وه‌کوو ده‌رفه‌تێک به‌کاربهێنن بۆ نواندنی  جوانی سروشت، هاتنی به‌هار و تواناکانی فه‌رهه‌نگ بۆ دابین کردنی ئاشتی له‌ جیهاندا .

ئه‌مینداری گشتیی ڕیکخراوه‌ی نه‌ته‌وه‌یه‌کگرتووه‌کان  نه‌ورۆزی به‌ جێژنێکی دێرینی ڕۆژهه‌ڵاتی ناڤین و‌ هه‌وێنی له‌یه‌کتر نێزیک بوونه‌وه‌ی خه‌ڵکانی جۆربه‌جۆری ناوچه‌که‌ زانی که‌ به‌ جێژن و ئاهه‌نگه‌وه‌ به‌ڕێ ده‌که‌ن .هه‌روه‌ها نه‌ورۆزی به‌ جێژنی ئه‌و هێزە زۆرانه‌ی وه‌سف کرد که‌ ئینسانه‌کان یه‌کانگیر ده‌که‌نه‌وه ‌.

نه‌ورۆز وه‌بیرهێنانه‌وه‌ی ئه‌رکی سه‌رشانی مرۆڤه‌ بۆ ڕێز گرتن له‌ گۆی زه‌وی و ده‌توانێت ببێته‌ هانده‌ری سه‌رکرده‌ی نه‌ته‌وه‌کانی جیهان بۆ دابین کردنی  یه‌کسانی ئینسانه‌کان و پاراستنی ژینگه ‌.