سەلاحەدین ده‌میرتاش به‌هۆی ئازاری سنگ و ته‌نگه‌نه‌فه‌سییه‌وه‌ ره‌وانه‌ی نه‌خۆشخانه‌ کرا

هاوسه‌رۆکی BDP سه‌ڵاحه‌دین ده‌میرتاش به‌هۆی ئازاری سنگ و ته‌نگه‌نه‌فه‌سییه‌وه‌ له‌ نه‌خۆشخانه‌ی میمۆریاڵی ئامه‌د خرایه‌ ژێر چاودێری پزیشکه‌وه‌ . 

بەپێی هەواڵیکی فورات نیوزهاوسه‌رۆکی پارتی ئاشتی و دیموکراتی BDP سه‌ڵاحه‌دین ده‌میرتاش سه‌رله‌به‌یانی ئه‌مڕۆ دوای هه‌ستکردن به‌ ئازاری سنگ بۆ پشکنینی ته‌ندروستی چووبوو بۆ نه‌خۆشخانه‌ی میمۆڕیاڵی ئامه‌د، له‌ نه‌خۆشخانه‌که‌ خرایه‌ ژێر چاودێرییه‌وه‌ .

له‌و باره‌یه‌وه‌ به‌ڕێوه‌به‌رایه‌تی ناوه‌ندی BDP لێدوانێکییاندا و رایانگه‌یاند :" به‌ڕێز هاوسه‌رۆکی گشتیمان باری ته‌ندروستی جێگیره‌، بۆ به‌رده‌وامی پشکنین و کۆنترۆڵی ته‌ندروستی، ئه‌مڕۆ له‌ نه‌خۆشخانه‌ ده‌مێنێته‌وه‌ ."