داواى خوێنى زیندانیانى حوکمدراو به‌سێداره‌ ده‌کات

چه‌ترپرێس ـ شلێر باپیری

 به‌ پێی نووسراوێکی فه‌رمی دادگه‌ى شۆڕشی کۆماری ئیسلامی ئێران به‌ ژماره‌ (٣٢٥٠)، داواى خوێنى زیندانیانى حوکمدراو به‌ سێداره‌

 کراوه‌ تا خوێنه‌که‌ ببه‌خشێرێته‌ ئه‌و پاسدارانه‌ى که‌ له‌ شه‌ڕ و تێکهه‌ڵچوونه‌کاندا بریندار بوون.

له‌ به‌ڵگه‌که‌دا به‌م شێوه‌یه‌ ئاماژه‌ به‌داواکارییه‌که‌ى سوپاى پاسداران کراوه‌ته‌وه‌: "به‌رامبه‌ر داوخوازییه‌کی سوپای پاسداران که‌ داوای کردووه‌

براده‌رانی ئێمه‌ له‌ ئه‌نجامی تێکهه‌ڵچوون و ئاڵۆزییه‌کانی ناوه‌خۆیی و شوێنه‌ گشتییه‌کان بریندار ده‌بن و له‌ نه‌خۆشخانه‌کان پێویستییه‌کی

 زۆریان به‌ خوێن ده‌بێ، به‌ڵام زۆرجار نه‌خۆشخانه‌کانی خوێنی پێویستییان بۆ دابین ناکرێ و له‌ ئه‌نجامدا براده‌رانی سوپا گیان له‌ ده‌ست

 ده‌ده‌ن".

له‌ به‌رده‌وامى به‌ڵگه‌که‌شدا فرمان به‌ جێبه‌جێ کردنى ئه‌م داواکاریه‌ى سوپاى پاسداران کراوه‌ که‌ به‌م شێوه‌یه‌: "داوا ده‌که‌ین بۆ

 چاره‌سه‌رکردنی ئه‌و کێشه‌شه‌ رێگه‌ بده‌ن و بڕیار بدرێ ئه‌و که‌سانه‌ی سزای له‌ سێداره‌دانیان به‌سه‌ردا سه‌پێنراوه‌ و حوکمه‌که‌ جێبه‌جێ

 ده‌کرێ، به‌شێوه‌یه‌کی زۆر نهێنی ده‌رفه‌تێک به‌ ستافێکی پزیشکیی جێگه‌ى متمانه‌ی خۆمان بدرێ تا له‌ رۆژی جێبه‌جێکردنی بڕیاره‌که‌دا

خوێن له‌و که‌سانه‌ بگیرێت و له‌ بانکی خوێن هه‌ڵبگیرێ تا له‌ کاتی پێویستدا بدرێته‌ براده‌رانی پاسدار که‌ له‌ شه‌ڕ و تێکهه‌ڵچوونه‌کانی سه‌ر

شه‌قامه‌کان بریندار ده‌بن و ده‌ستبه‌جێ پێشکێشیان بکرێ".

هه‌روه‌ها سه‌باره‌ت به‌ شه‌رعییه‌ت دان به‌م کرداره‌ش  ئاماژه‌ به‌ وته‌کانى ئیمام خومه‌ینى کراوه‌ که‌ به‌م شێوه‌یه‌: "بۆ ئه‌وه‌ى هیچ جۆره‌ تێبیینی

 و تانه‌یه‌کی شه‌رعی له‌سه‌ر ئه‌و کاره‌ نه‌بێ، پێشتر پرس به‌ ئیمام خومه‌ینی رێبه‌ر و دامه‌زرێنه‌ری کۆماری ئیسلامی کراوه‌ و به‌ڕێزیان

فه‌رموویه‌تی که‌ هیچ جۆره‌ کێشه‌یه‌کی شه‌رعی له‌و کاره‌دا نییه‌".