لە دوو پیتا دەبین بەیەک

 

 

فاتیح سەلام

 

 

ئیتر شەو دەکوژێتەوە

جەنگ دەتبینێت و ، ناتناسێ

من سێبەرى پەنجەکانم

لەسەر تەلبەندى درکاوى کەوشەنێکى

دواى گیانەڵا

تۆختر لە تەمى ژوورەکەت

کاڵتر لە ئەنۆزى سرەوت

بە سپێتى جێ دەمێنێ

ئەم دەرگایە ، عەیامێکە کرانەوەى بیر نەماوە

مێژوویەکە خۆرى لە خۆى ئاڵاندووە

ئەم ئەفسانەى خۆشویستنەى

هەور پرى کرد لە بروسکەى جەستەى غوربەت

تا پێت دەگات و دەبارێ

لە رۆحى بەرجەستە بوونى

تێکشکانى خاڵێکى دوووووورى مت بوونا

رادەمێنێ

 

Qadirzada.com © 2009-2022. All rights reserved