چوار شعرۆکه

(1)

ئه‌گه‌ر ڕۆژێ خه‌ڵاتی نۆبڵ

بۆ گه‌نده‌ڵی پێشکه‌ش بکرێت

ئاهه‌نگ سازکه‌ن، سه‌رۆک!

یه‌که‌م که‌س وه‌ری ده‌گرێت.

(2)

ئه‌لێن له ‌باشووری کوردستان

دیموکراسی باڵی شکا

سه‌رۆک به‌ ئاره‌زووی خۆی

واژووی هه‌موو شتێ ده‌کا.

(3)

کاسه‌ لێسه‌کانی ووڵات

ئه‌ی ئه‌وانه‌ی‌‌ که‌س ناناسن

بۆ له‌ ده‌نگی میلله‌ت ناگه‌ن

ئێوه‌ تاکه‌ی که‌ڕ و کاسن

بانگی دیموکراسی ئه‌ده‌ن

که‌چی میرات گری کورسین

بۆ ناڕواننه‌ دایکی شه‌هید

هه‌تا ئێستاش ڕووت و برسین.

(4)

نه‌وه‌ی نوێیان چه‌وسانه‌وه‌

له‌بیرتان چوو برا کوژی

به‌قه‌د ئه‌نفال و هه‌ڵه‌بجه‌

خوێنی گه‌نج و لاوتان مژی

نیشتیمان لێتان تووڕه‌یه‌

دار و به‌ردیش هاته‌ قسه‌

کورد سه‌رۆکی وه‌های هه‌بێ

دڵنیابن زۆر بێ که‌سه‌.

گه‌شبیر ئه‌حمه‌د

5/1/2011

gashbir@hotmail.com