| ||
|
||
پەیامێک لە بزوتنەوەی گۆڕانەوە
بزوتنەوەی گۆران، لە جەژنی نەورۆز و سەری ساڵی نوێی کوردیدا پەیامێک ئاراستەی خەڵکی کوردستان دەکات و رایدەگەیەنێت: دەقی پەیامەکە: بەداخەوە ئەم نەورۆزە؛ بۆ گەلی کورد پڕە لە ئاڵنگاریی و مەترسی، بەشێوەیەک کوردستان دەرگیری دەیان و بگرە سەدان كێشەیە، دەوڵەتە شكستخواردوەكانی ناوچەكە كوردیان خستوەتە بەردەم شەڕێكی نەخوازراو. جهژنی نهورۆز لە گەلی کورد و گەلانی ناوچەکە پیرۆز دەكات و هیواخوازە ئەم بۆنە نەتەوەییە ببێتە مایەی خێرو خۆشی و بەرقەراربونی ئاشتی و کۆتایی پێهێنانی کێشەو گرفتەکان. بەداخەوە ئەم نەورۆزە؛ بۆ گەلی کورد پڕە لە ئاڵنگاریی و مەترسی، بەشێوەیەک کوردستان دەرگیری دەیان و بگرە سەدان كێشەیە، دەوڵەتە شكستخواردوەكانی ناوچەكە كوردیان خستوەتە بەردەم شەڕێكی نەخوازراو و داگیركردنی عەفرین و ئاوارەكردنی سەدان هەزار هاوڵاتی سیڤیلی بێوەی، یەكێك لەو دەیان دیمەنە جەرگبڕانەی كە کوردانی ناچارکردوە لە جەژنی نەورۆزدا ماتەم بگێڕن و دڵتەنگ بن.
مێژوی کورد پڕە لەم جۆرە هەوراز و نشێوانە، ئەگەر کورد جارێک و تەنانەت بۆ ماوەیەکی درێژیش توشی نوشوستییەک بوبێت؛ کاتیی بوە و هێندەی نەبردوە زیندوتر و بەهێزتر هاتوەتەوە مەیدان، زۆرجاریش رێککەوتوە کە سەرهەڵدانەوەکان هاوکاتی جەژنی نەورۆز بون، ئەمەش بە تەواوەتی لەگەڵ ناو و ناوەڕۆکی جەژنەکەدا یەکانگیر بوەتەوە. لەسەر ئاستی ناوخۆیی هەرێمی کوردستانیش بەهۆی سیاسەتی شكستخواردوی دەسەڵاتدارانەوە، هاونیشتیمانیان روبەڕوی ناخۆشترین دۆخی ئابوریی کردوەتەوە و بێکاریی و بێ موچەیەیی بەرۆکی گرتون، ئێستاش کە حکومەتی فیدراڵ بودجەی ناردوە، پێویستە حکومەت موچەی تەواوی فەرمانبەران بدات و هیچ پاساوێكیش نەماوە بۆ پاشەکەوتکردنی. پێویستە داهاتی ناوخۆ و فرۆشتنی نەوت و رێککەوتنی نێوان هەرێم و حکومەتی فیدراڵ و هەمو گرێبەستەکان ئاشکرا بکرێن. نەورۆز رۆژی دەستپێك و ئومێدە، بزوتنەوەی گۆڕانیش هێزێكی پڕ لە ئومێد و هیوایە، سەرباری هەمو مەترسیی و کێشە و تاریكییەكان، هیوای نەورۆزێكی پڕ لە جۆش و خرۆش و سەرکەوتن بۆ هەموان دەخوازین.
|
||
Qadirzada.com © 2018. All rights reserved
|
||