هەپەگە ئازاد کردنی دیله‌کانی پشت راست کرده‌وه‌

بەپێی هەواڵیکی فورات نیوزفه‌رمانداری بڕیارگای هێزی پارستنی گەڵ هەپەگە لێدوانێکی نووسراوی بڵاو کرده‌وه‌و تێیدا پشتڕاستی کردوه‌ته‌وه‌ ئه‌وان سه‌رباز و کارمه‌نده‌ دیله‌کانی ده‌وڵه‌ت به‌گشتی ( ٨ ) که‌س له‌ده‌ستیاندا ئازاد ده‌که‌ن .

له‌لێدوانه‌که‌دا راگه‌یه‌ندراوه‌: ( ئێمه‌ وه‌ک هەپەگە، له‌سه‌ر داواکاری رێبه‌رایه‌تیمان و کۆنسه‌ی کەجەکە، ئه‌و ( ٨ ) دیله‌ی که‌ له‌ده‌ستماندایه‌ راده‌ستی شاندێکی که‌ نوێنه‌رایه‌تی ویژدانی کۆمه‌ڵایه‌تی بکات و به‌ شێوه‌یه‌کی بێ‌ کێشه‌ دیله‌کان راده‌ستی بنه‌ماڵه‌کانیان بکه‌ن، ده‌که‌ین .

هەپەگە ناوی ( ٨ ) دیله‌که‌ی بەم شیوەیە بڵاو کردوه‌ته‌وه‌ :

 ( زهنی کۆچه‌ر، عه‌بدوللا سۆپچه‌له‌ر، که‌مال ئه‌کنجی، نادر ئۆزگه‌ن، که‌نان ئه‌ره‌نگلو، ره‌شاد چاچان، ره‌مه‌زان باشاران، هادی گیزلی ) .