سوپای پاسداران دەستی بە سەر کەمپی ئەشرەف دا گرت

ناوەندی هەواڵ :عه‌بدولره‌حمان مهابادى به‌رپرسى راگه‌یاندنى كه‌مپى ئه‌شره‌ف رایگەیاند "كه‌مپى ئه‌شره‌ف له‌لایه‌ن موجاهیدینى خه‌لقه‌وه‌

چۆڵكراوه‌‌و گوازراوه‌ته‌وه‌ بۆ كه‌مپێكى دیكه‌، دواى چۆڵكردنى كه‌مپه‌كه‌ش حوسێن هه‌مه‌دانى فه‌رمانده‌ى سوپاى پاسدارانى ئێران كه‌ به‌شێكه‌ له

‌ سوپاى قودس سه‌ردانى ئه‌و كه‌مپه‌ چۆڵكراوه‌ى كردوو به‌شێك له‌ سوپاكه‌ى له‌ شوێنه‌كه‌ هێشته‌وه‌، ئێستاش راسته‌وخۆ له‌لایه‌ن ئیتلاعاته‌وه‌

 چاودێرى ئه‌شڕه‌ف ده‌كرێت".

 بە پێی هەواڵی رووداو، له‌ چه‌ند رۆژى رابردوودا دانیشتووانى كه‌مپى ئه‌شره‌ف له‌ خوارووى به‌غدا، كه‌ رێكخراوى موجاهیدینى خه‌لقى

 تێدابوو گواسترانه‌وه‌ بۆ كه‌مپێكى دیكه‌ له‌ خۆرئاواى به‌غدا‌و له‌ كه‌مپێكى دیكه‌دا جێگیركران‌و ئه‌شره‌فیان پێ چۆڵكرا.

رێكخراوى موجاهیدینى خه‌لق یه‌كێكه‌ له‌ حیزبه‌ ئۆپۆزیسیۆنه‌كانى وڵاتى ئێران‌و له‌سه‌رده‌مى رژێمى به‌عسدا روویان له‌ عێراق كردووه‌، به‌ڵام

 دواى ئازاد كردنى عێراق له‌ده‌ستى رژێمى به‌عس ئه‌و رێكخراوه‌ له‌لایه‌ن ده‌سه‌ڵاتدارانى ئێستاى عێراق سه‌ركوت ده‌كرێن‌، خێزانه‌كانیش

 داوا له‌ نه‌ته‌وه‌یه‌كگرتووه‌كان ده‌كه‌ن بگوازرێنه‌وه‌ بۆ وڵاتى سێیه‌م.