چه‌ن کورته‌ شێعر

مامۆستا پاریز

ساقی

 

 

 

   ساقی موبته‌لای جامێك شه‌رابم

   تا پێی ساڕێـژكه‌م دڵه‌ی كه‌بابم

    هه‌ر ئه‌مه‌ كه‌وا رووم نییه‌ بڵێم

   ره‌وایــه‌ ئیتر وه‌هـــــا بسووتێم؟

***     

   شه‌م

    ئه‌ی شه‌م له‌ دووریت منم په‌روانه‌

    ئیشی په‌روانه‌یش خۆ هه‌ر سوتانه‌

    ئه‌و له‌ ویسالدا ئه‌سوتێ و ئه‌مرێ

    كه‌ چی له‌ فیراق من دڵم ئه‌گڕێ

***     

      قه‌رار

    نیمه‌ بۆت قه‌رار به‌ ڕۆژ و به‌ شه‌و

    چونکه‌ له‌ یادت لێم گیراوه‌ خه‌و

    ئه‌ر بۆ ساتێکیش بنووم به‌ بێ خه‌م

    به‌و ئومێده‌یه‌ که‌وا پێت بگه‌م

    ***

      نه‌رمه‌ خه‌و

      ئازیزه‌که‌م ده‌ورانێکه‌ من وه‌کوو که‌و

     ڕات ئه‌ژه‌نم،ئه‌تلاوێنم،ئه‌تکه‌مه‌ خه‌و

     خودا نه‌کات بۆ ساتێکیش نه‌رمه‌ خه‌وێ

    گوزه‌ر بکات به‌ چاوانتا و لێت بکه‌وێ

    ***

     خه‌م

    ئه‌و خه‌مه‌ سه‌خته‌ی که‌وا من هه‌مه‌

   دڵ وه‌کوو کێوه‌ و ئه‌ویش وه‌ک ته‌مه‌

   ڕۆژێک هه‌ر ئه‌بێ که‌ بڕوێته‌وه‌

     به‌ بای ئازادی بشه‌کێته‌وه

 



Qadirzada.com © 2009-2022. All rights reserved