| ||
| ||
مانای ناوه کانی خودای گه وره
مانای ناوه پیرۆزه کانی خودای په روه ردگار ،به وهیوایه ی سوودی هه بێت بۆ هه مووان
الله : واتە خوا، خودا ، خوداوەند ، یەزدان الله : ناوی هه ره تاكو پیرۆزو گه وره ودیارو زانراوباوی خوای گه وره یه کۆکه ره وه ی هه موو ناو سیفاته کانی تریه تی ألله واته خوداو په رستراوی به هه قو شایسته الله : خودای گه وره و میهره بان ئه و خودایه یه که تاکو ته نهاو بێ هاوه ڵو بێ شه ریکه خاوەنی ئەم ناو و سیفەتە بەرزو بەڕێزو پاك و پیرۆزو گەورەو ئازیزو پڕ ماناو مەبەست و ناوەڕۆكانەیە كە لە قوڕئان و سوننەتدا هاتوون
الرَّحْمَنُ : بەخشندەو میهرەبان و بەسۆزو بەزەییە لەدونیا بەرانبەر بەهەموو شتێك لە بوونەوەردا. الرَّحِيمُ : بەخشندەو میهرەبان و بەسۆزو بەزەییە لەدوا ڕۆژدا بەرانبەر بە ئیمانداران و هەر شتێك كەخوا حەز بكا ڕەحمی پێ بكات. الْمَلِكُ : هەمیشە پاشاو دەسەڵاتدارو سەرۆك و خاوەنی هەموو شتێكە لەبوونەوەرو دونیاو دواڕۆژدا. الْقُدُّوسُ : زۆر پاك و بێگەرد و بێ نەنگ و بێكەم و كوڕی و هەڵەو ناتەواوییە. السَّلاَمُ : زۆر ساغ و بێ گەردو بێ عەیب و ئاشتی خوازو ئاشتی دارو و ئاشتی پەروەرە. الْمُؤْمِنُ : ئەمیندارو ئەمیندەرو دڵنیا كەری بڕوادارو دروستكراوەكانیەتی لە زەبڕ دلێدان و زیان پێ گەیاندنیان لە دونیاو دواڕۆژدا. الْمُهَيْمِنُ : زۆر ئاگادارو چاودێرو دەسەلاتدارە بەسەر هەموو دروستكراو و بوونەوەردا. الْعَزِيزُ : هەمیشە زاڵ و دەسەڵاتدارو بەهێزو بە توانایە بەسەر بوونەوەردا. الْجَبَّارُ : زۆر دەسەڵاتدارو زەبر بەدەست و بەتواناو ناچاركەرُ. الْمُتَكَبِّر : زۆر خۆ بەگەورە زان و زل و بەتواناو خۆ گەورە گرە كە لەخۆی دەوەشێتەوە. الْخَالِقُ : دروست كەرو بەدیهێنەرە لە نەبوونەوە بۆ بوون. الْبَارِئُ : بەدیهێنەرو پارێزەری بوونەوەری بەدیهێنراوە. الْمُصَوِّرُ : وێنە كێش و نیگار كێش و نەخشە كێشە بەجوانترین شێوە. الْغَفَّارُ : لێخۆشبەرو داپۆشەری گوناه و تاوانەكان لە دونیاو دواڕۆژدا. الْقَهَّارُ : زۆر بەزەبرو بە دەسەڵات و بەتواناو بەحوكم. الْوَهَّابُ : بەخشەرو بدەری بێ ئەندازە بەهەموو دروستكراوەكان. الرَّزَّاقُ : ڕزق و ڕۆزی و بژێوی دەری بێ سنوورو كۆتا بەهەموو دروستكراوەكانی. الْفَتَّاحُ : دەروو كەرەوەو واڵاكەری هەموو گەنجینەو دەروویەك. اَلْعَلِيْمُ : زاناو ئاگادارو بێ سنوور بەهەموو شتە ئاشكراو پەنهانەكانی ژیان و بوونەوەر. الْقَابِضُ : بگرو وێكهێنەرو گوشەری هەموو شتێكی بوونەوەر. الْبَاسِطُ : ڕاكێشەرو فراوانكەرو لەدوو دەری ڕزق و ڕۆزی و پێویستیەكانی دروستكراوەكان. الْخَافِضُ : دابەزێنەرو دانەوێنەرو نەویكەرو لێ هێخەری پاشاو دەسەڵاتدارو زەبر بەدەستان. الرَافِعُ : بڵند كەرو بەرز كەرەوەو سەرخەرو دەست گرو بارگری هەموو شتەكان. الْمُعِزُّ : بەهێزكەرو زاڵكەر، هێزو دەسەڵات بەخش بەهەر شتێك كەبیەوێت. ٱلْمُذِلُّ : زەلیل و زەبوونكەرو سەرشۆڕكەرو رسواكەروملكەچ پێكەرو سەر پێدانەوێن. السَّمِيعُ : بیسەرو گوێگری بی سنووری بوونەوەر. الْبَصِيرُ : بینەرو دیدەی بێ سنووری هەموو شتەكانی بوونەوەر. الْحَكَمُ : دادوەرو دادگەرو فەرمانڕەواو ناوبژیوانی بەهەق و ڕاست. الْعَدْلُ : دادگەرو دادپـەروەرو هەق و ڕاسـت و بێ ستـەم و لاگـر. اللَّطِيفُ: زۆر بەسۆزو لوتف و بەخشندەو میهرەبان. الْخَبِيرُ : زۆر زاناو پسپۆڕو شارەزا لەهەموو شتەكانی ژیانو بوونەوەر. الْحَلِيمُ : زۆر نەرم و نیان و هێدی و هێواش و بەئارام و لەسەر خۆو بێ پەلە. الْعَظِيمُ : زۆر گەورەو مەزن و بەتواناو بەهێزو بەدەسەڵات و شكۆدار. الْغَفُور : لێبوردەو لێخۆشبەرو گوناه و نهێنی داپۆش. الشَّكُورُ: سوپاسگوزارو بەخشندەی خێرو چاكەو نازو نیعمەت. الْعَلِيُّ : زۆر بەرزو بڵندو پایەدارو بەدەسەڵات. الْكَبِيرُ : گەورەو بەدەسەڵاتی بێ سنوور لەگەورەیی و دەسەڵاتدا. الْحَفِيظُ : پارێزەری دروستكراوەكانی لە تیاچوون و لەناو چوونو لەزیان پێ كەوتنیان. المُقيِت : فریاد ڕس و فریادكەرو بەهانا چووی دروستكراوەكانی. اﻟْﺣَسِيبُ : ژمێریارو لێپرسەرەوەو نگاداری هەموو شتەكانی بوونەوەر. الْجَلِيلُ : بەرزو بەڕێزو شكۆدار لەسەر هەموو بوونەوەر. الْكَرِيمُ : زۆر سەخی و بەخشندەو بەڕێزو دەستكراوەو دەستڕۆو دەست واڵا. الرَّقِيبُ : ئاگادارو چاودێرو پەیدار بەسەر هەموو بوونەوەردا. ٱلْمُجِيبُ : وەڵامدەرەوەی هەموو پرس و داوحوازو ئارەزووەكانی دروستكراوەكانی. الْوَاسِعُ : زۆر فراوان و گوشادو بەسەلیقەو بەتوانا. الْحَكِيمُ : زۆر داناو زاناو كارزان و كاربەجێ و كار لەجێو وردو لێزان. الْوَدُودُ : زۆر بەسۆزو خۆشەویست و دۆستدار. الْمَجِيدُ : زۆر پایە بەرزو سەر بەرزو سەر بڵندو شكۆدارو بەڕێز. الْبَاعِثُ : زیندووكەرەوەو ژێنەرو نێرەرو گۆرەری سەرجەم دروستكراوەكانیەتی. الشَّهِيدُ : ئاگادارو زانا الْحَقُ : ڕاست و دروست و هەق و هەقگۆ. الْوَكِيلُ : پشت و پەناو، دابینكەرەو دەستەبەرو فەراهەمهێنەرە. الْقَوِيُ : زۆر بەتواناو بەهێزو بەدەسەڵات و زاڵە بەسەر بوونەوەریدا. الْمَتِينُ : زۆر بەهێزو پتەو و بەتواناو قایم و نەگۆڕە. الْوَلِيُّ : دۆست و پشتیوان و هاوكارو سەرپەرشتكار. الْحَمِيدُ : سوپاسكەری بەندەكانیەتی لەسەر چاكە كردن، بەندەكانیش سوپاسی خوا دەكەن لەسەر بەخششەكانی. الْمُحْصِي : ژمێرەرو ئاماركەری هەموو شتەكانی بوونەوەرە. الْمُبْدِئُ : داهێنەرو دروستكەرو دەستپێكەری سەرەتای دروست كردن و بوونەوەرە. ٱلْمُعِيدُ : گێڕەوەو دووپات كەرەوەی خەلق و بوونەوەرە بۆ حاڵەتی پێشوو و سەرەتا. الْمُحْيِي : زیندووكەرەوە اَلْمُمِيتُ : مرێنەرو لەناو بەری گیانلەبەرانی هەموو بوونەوەرە. أَلْحَیُّ: زیندوو الْقَيُّومُ : هەمیشە ڕاگرو بەرپاو ڕاوەستاوو ئامادەباش و، ڕێكخەرو بەڕێوەبەری بوونەوەر. الْوَاجِدُ : دروست كەرو بەدیهێنەرو فەراهەمهێنەری سەرجەم بوونەوەر، هەر لەكایەو هەر هەبوو. المَاجِدُ : خاوەن پلەو پایەو شكۆو ڕێزی بێ شومار. الْواحِدُ : تاك و تەنیاو بێ هاوەڵ و بێ وێنە لە خودی خۆی و لەسەرجەم ناو و كردارو سیفەتە بەرزو بەڕێزەكانی لەچاو دروست كراوەكانی خۆی. اَلاَحَدُ : تاکو تەنها ، تاقانە، هاوتاو شەریکی نیە. الصَّمَدُ : بێ نیازو مەبەست و جێی نیازو مەبەستو هیوا، لە هەموو دروستكراوەكانی بێ نیازو مەبەست و بێ منەتەو پێویستی بەهیچ شتێك نیە، جێی نیازو مەبەستی هەموو دروستكراوێكە، هەموو شتێك لە بوونەوەردا پیویستی به وه الْقَادِرُ : زۆر بەتواناو بەدەسەڵات. الْمُقْتَدِرُ : سەرچاوەی هەموو هێزو دەسەڵات و توانایەك لە بوونەوەردا بۆ دروستكراوەكانی. الْمُقَدِّمُ : پێشخەرو پێشهێنەر، هەموو شتێك دەزانێ پێش هاتن و ڕودانی، دەتوانێ هەمو شتێك وە پێش بخات. الْمُؤَخِّرُ: دواخەری گشت ڕوداو و پێشهاتەكانە، دەتوانێ هەموو شتێك لەكاتی خۆی ڕاگرێ و دوا بخاو ڕوونەدات. الأوَّلُ : سەرەتاو یەكەمی هەموو شتێكە لە بووندا، هیچ شتێك لە بوونەوەر نەبووە، ئەو هەر هەبووەو بێ سەرەتایە. الآخِرُ : كۆتاو دوماهی هەموو شتێكە لەبوونداو، هیچ شتێك لە بوونەوەردا نامێنێ و كۆتایی پێ دێ، كەچی خوای گەورە هەر دەمێنێ و بێ كۆتایە و قەت لەناو ناچێ و دوایی نایەت. الظَّاهِرُ : دیارو ئاشكراو هەیە، لە ڕێگەی بوونەوەرە بوونی خۆی دەنوێنێو پەی پێ دەبرێت. الْبَاطِنُ : نهێنی و نادیارو بزرو پەردە پۆش و شاراوەو نادیدەیە لەبەر چاوی دروستكراوەكانی. الْوَالِي : سەرپەرشتیارو پاشا و خاوەنی هەموو بوون و بوونەوەر. الْمُتَعَالِي : زۆر بەرزو بەڕێزو پلەدارو بەدەسەڵات و خۆ بەرز گر. الْبَرُّ : چاكەكارو بەخشندەی بێ سنوور. التَّوَّابً : زۆر لێخۆشبوو و تۆبە وەرگرو لێبوردەیە. الْمُنْتَقِمُ : تۆلە لێ سێنەرەوەی ستەمكاران و تاوانباران. العَفُوُ : لێبوردەو داپۆشەری گوناه و تاوان. الرَّؤُوفُ : زۆر بەسۆزو بەزەیی و بەڕەحمەت لەگەڵ دروستكراوەكانیدا. مَالِكُ ٱلْمُلْكُ : خاوەن و پاشاو فەرمانڕەوای هەموو ماڵ و موڵك و سەروەت و سامان و بوونێك لە بوونەوەردا. ذُوالْجَلاَلِ وَالإكْرَامِ : خاوەنی ئەو پەڕی ڕێزو پایەو شكۆ. الْمُقْسِطُ : دادگەرو دادپەروەرو دادڕەو لە حوكم و دەسەڵات و بڕیارو دابەشكردندا. الْجَامِعُ : كۆكەرەوەو گردكەرەوەو گشتگیری هەموو شتەكانی بوونەوەر. الغَنِیُّ : زۆر دەوڵەمەندو بێ نیازو بێ ئاتاج و پێویستە لە هەموو شتێك. المُغْنِی : دەوڵەمەندكەری خەڵك و بوونەوەرە، هەموو بوونەوەر پێویستی بە دەوڵەمەندی ئەوە. اَلْمَانِعُ : بەرگری كار، پارێزكار. الضَّارَ : زیانبەخش و زیان گەیەنەرە بە هەر شتێك كە دەیەوێ. النَّافِعُ : سودبەخش و زۆر بەكەڵك و بەسوود بۆ هەموو بوونەوەر. النُّورُ : نورو ڕوناكی و چراو درەخشان و ڕوناككەرەوەی بوونەوەرە. الهَادِیِ : هیدایەت دەرو ڕێنمایی كەرو ڕاستكەرو ڕێپیشاندەری دروستكراوەكانە. البَدِیعُ : ئافراندن و جوانكارو داهێنەری بوون و بوونەوەرە. اَلْبَاقِي : هەمیشە بەردەوام و هەرماوەیەو قەت لەنێو ناچێت. الْوَارِثُ : میراتگری هەموو بوون و بوونەوەر، هەموو شتێك لەنێو دەچێ و هەر ئەو دەمێنێ. الرَّشِیدُ : سەر ڕاست و ڕێناس و شارەزاو ڕێ نیشاندەرو ڕاستە ڕێ كارە. الصَّبُورُ : زۆر بە ئارام و لەسەر خۆو خۆڕاگرە
|
||
Qadirzada.com ©2009 - 2022. All rights reserved
| ||