تۆ

 

له‌و ڕۆژه‌ی تۆم ناسیوه‌

باوه‌ڕم به‌ خوا هێناوه‌

ده‌بێ چه‌ن گه‌وره‌و عادڵبێ

ئه‌و جوانیه‌ی به‌تۆ داوه‌

. . .

چگه‌ له‌ خوا و له‌ چاوی تۆ

هیچ که‌س ناکه‌م به‌ خوای دڵم

تائه‌و کاته‌ی ئه‌جه‌ل دێت و

چنگ گیر ده‌کا له‌ گه‌ردنم

. . .

گه‌ر بشمرم نائومێد نیم

ناڵێم من تۆم دۆڕاندووه‌

بۆ لای خوایه‌ک ده‌ڕۆمه‌وه‌

که‌ جوانی تۆی خولقاندوه‌

. . .

کچێ به‌خوا

شێتت کردووم

تۆ مرۆفی

یاخود مانگی چوارده‌ شه‌وی

شه‌وی زستان

چه‌ند تاریک بێ

ڕوناک ڕوناک ده‌بێته‌وه‌

ئه‌و کاتانه‌ی ده‌رده‌که‌وی

. . .

دره‌ختێکی

پڕ له‌ ڕنگ بووم

ره‌شه‌ بایه‌ک ڕووی لی کردم

زه‌رد هه‌ڵ گه‌ڕان

گه‌ڵاکانم

تاوه‌کو ئیستاتێ ناگه‌م

پایز له‌ ڕووخسارم ده‌چی

یامن کۆیله‌ی

ده‌ست خه‌زانم

 

Qadirzada.com © 2009-2022. All rights reserved