پەکەکە له‌ کۆبوونه‌وه‌ى ساڵانه‌یدا بڕیارى تازه‌ی دا

چه‌ترپرێس

له‌ به‌یاننامه‌یه‌کى پارتى کارکه‌رانى کوردستان که‌ له‌ سایتى فه‌رمى خۆیدا (pkkonline)   بڵاو کراوه‌ته‌وه‌ سیاسه‌تى ئاکه‌په‌ وه‌ک فاشیزم

 به‌ناو کراوه‌ و بڕیارى تێکۆشانى هه‌مه‌ لایه‌نه‌ گیراوه‌.

کۆبوونه‌وه‌ى مه‌جلیسى پارته‌که‌ به‌ به‌شدارى (29) ئه‌ندامى مه‌جلیسه‌که‌ پێکهاتووه‌ هه‌فته‌یه‌ک هه‌ڵسه‌نگاندن له‌سه‌ر باردۆخى نێونه‌ته‌وه‌یى

و نێوده‌وڵه‌تى و هه‌رێمى و کوردستانى کراوه‌ و ئاماژه‌ به‌سه‌رکه‌وتنى گفتوگۆکان کراوه‌.

له‌ گفتوگۆکاندان باس له‌ یاساى نوێى ئاکه‌په‌ کراوه‌ که‌ به‌سه‌ر عه‌بدوڵا ئۆجه‌لانیدا ده‌سه‌پێنێ، له‌ گفتوگۆکه‌دا ئه‌م یاسا وه‌ک داخستنى

 ده‌رگاى ئاشتى و بڕیارى شه‌ڕ هه‌ڵسه‌نگێندراوه‌ بۆ ئه‌مه‌ش باس له‌ به‌رخۆدانى هه‌مه‌ لایه‌نه‌ کراوه‌ که‌ وه‌ها شڕۆڤه‌ کراوه‌: "

 کۆبوونه‌وه‌که‌مان گه‌یشتووه‌ته‌ ئه‌و بڕیاره‌ى که‌ ده‌سه‌ڵاتدارى ئاکه‌په‌ و جه‌ماعه‌تى فه‌تحوڵا گوله‌ن، به‌ پشتیوانى و یارمه‌تى نێوده‌وڵه‌تى،

 بۆ ئه‌وه‌ى سه‌رله‌نوێ په‌یمانى لۆزان، که‌ به‌ واتاى بێ ستاتۆى و کۆیلایه‌تى گه‌لى کورده‌، بخه‌نه‌ ڕۆژه‌ڤه‌وه‌ و زیندووى بکه‌نه‌وه‌

 شه‌ڕێکى هه‌مه‌لایه‌نه‌ به‌ڕێوه‌ ده‌به‌ن. هه‌ر چۆن له‌ کۆمه‌ڵکوژى ڕۆبۆسکیشدا ئاشکرا بوو، ئه‌و لایه‌نانه‌ به‌ پێداگریه‌وه‌ سیاسه‌تى

 کۆمه‌ڵکوژى به‌ڕێوه‌ ده‌به‌ن. له‌ کاتێکدا له‌ به‌رامبه‌ر ئه‌و شه‌ڕه‌ى که‌ ئامانجى له‌ناوبردنى گه‌لى کورده‌، رێبه‌رایه‌تیمان، گه‌له‌که‌مان و

 سیاسه‌تى کورد به‌رخۆدان ده‌که‌ن، ته‌ڤگه‌ره‌که‌ى ئێمه‌ش ئه‌وه‌ى ده‌سنیشانى کردووه‌ که‌ ده‌بێ به‌ پێى هێڵى شه‌ڕى گه‌لى شۆرشگێر، په‌ره‌

 به‌ تێکۆشان بدات و ئاستى تێکۆشان به‌رز بکاته‌وه‌".

مه‌جلیسى په‌که‌که‌ بانگه‌وازییه‌ک وه‌هاش ئاراسته‌ى گه‌ل ده‌کات: "کۆبوونه‌وه‌که‌ى ئێمه‌ له‌ ڕه‌وشێکى به‌و شێوه‌یه‌دا بانگ له‌ گه‌له‌

 وڵاتپارێزه‌که‌مان ده‌کات که‌ یه‌کیه‌تى خۆیان به‌هێز بکه‌ن، په‌ره‌ به‌ یه‌کیه‌تى نه‌ته‌وه‌یى دیموکراتیک بکه‌ن و تێکۆشانى کۆمه‌ڵایه‌تى

 خۆیان به‌هێز بکه‌ن. هه‌موو ملیتان، لایه‌نگر، فه‌رماندار و شه‌ڕڤانانى پارتیمان، ده‌بێ له‌ سه‌ر بڕیاره‌کانى کۆبوونه‌وه‌که‌ى ئێمه‌ که‌ له‌

پێڤاژۆیه‌که‌ى هێنده‌ هه‌ستیاردا پێکهاتووه‌، خۆیان بۆ هه‌ڵمه‌تى شۆرشگێرانه‌ ئاماده‌ بکه‌ن. جارێکى دیکه‌ ئێمه‌ بانگ له‌ هه‌موو شۆرشگێر

 و دیموکراته‌کانى تورکیا، موسڵمانه‌ راسته‌قینه‌کان، عه‌له‌ویه‌کان و هه‌موو که‌مه‌ نه‌ته‌وه‌کانى دیکه‌ ده‌که‌ین له‌ دژى فاشیزمى سه‌وزى

 ئاکه‌په‌، په‌ره‌ به‌ تێکۆشانى هاوبه‌ش به‌هێز بده‌ن".

  په‌که‌که‌ ڕاده‌گه‌یه‌نێ له‌ کۆبونه‌وه‌که‌دا به‌ وردى باس له‌ دۆخى کوردستان و رۆژهه‌ڵاتى ناوین کراوه‌ و جاریکى تر به‌و باوه‌ڕه‌

 گه‌یشته‌وه‌، بۆ ئه‌وه‌ى گه‌لى کوردستان ببیته‌ خاوه‌ن یه‌ک ستراتیژی، به‌ستنى کۆنگره‌ى نه‌ته‌وه‌یى شه‌رته‌.

مه‌جلیسى په‌که‌که‌ له‌ به‌شێکیترى لێدوانه‌که‌یدا ده‌ڵێت: کۆبوونه‌وه‌که‌مان له‌ دژى هێژمۆنى نێوده‌وڵه‌تى و لایه‌نه‌ قه‌واره‌ پارێزه‌کانى

 هه‌رێمی، وه‌کوو هێڵى سێهه‌م، رێبازى دێموکراسى گه‌لانى هه‌رێمه‌که‌ى که‌ تا ده‌چێ په‌ره‌ ده‌ستێنێ، وه‌ک بژارده‌یه‌کى هه‌ره‌ ڕاست بینی.

په‌که‌که‌ هه‌روه‌ها تیشک ده‌خاته‌ سه‌ر ئه‌و پێداویستیانه‌ى که‌ دوابه‌دواى سه‌رهه‌ڵدانى گه‌لان له‌ رۆژهه‌ڵاتى ناوین هاتۆته‌ ئاراوه‌ و

 راده‌گه‌یه‌نێ: ئه‌م پێواژۆیه‌ نوێیه‌ له‌ ئاکامى سه‌رهه‌ڵدانى گه‌لان له‌ دژى رژیمه‌ دیکتاتۆره‌کان هاتۆته‌ ئاراوه‌. له‌ ئێستاش به‌دواوه‌ له‌

 هه‌رێمه‌که‌دا رێگه‌ بۆ گۆڕانکارى بنچینه‌یى خۆش ده‌کات. بۆ سه‌رکه‌وتنى ئه‌و قۆناغه‌، هاوکارى و هه‌ماهه‌نگى هێزه‌ دیموکراتیکه‌کان

 له‌ هه‌رێمه‌که‌ مه‌رجى سه‌ره‌کییه‌.

مه‌جلیسى په‌که‌که‌ ره‌وشى ئێستاى رۆژهه‌ڵاتى ناوین هه‌ڵده‌سه‌نگێنێت و بۆ ئه‌وه‌ى گه‌لى کورد بتوانێ له‌سه‌ر ئه‌ساسى ستراتیژییه‌کى

 هاوبه‌ش تێبکۆشێ، به‌ستنى کۆنگره‌یه‌کى نه‌ته‌وه‌یى وه‌ک شه‌ڕتێکى ئه‌ساسى ده‌بینێ؛ -ئه‌گه‌ر گه‌لى کورد له‌و قۆناغه‌دا که‌ تێکۆشانێکى

 هه‌مه‌لایه‌نه‌ به‌ڕێوه‌ ده‌بات، بتوانى ئه‌م پێواژۆیه‌ مێژووویه‌ به‌ باشى هه‌ڵسه‌نگێنێ و له‌سه‌ر بنچینه‌یه‌کى راست یه‌کیه‌تى نه‌ته‌وه‌یى

 دیموکراتیکى خۆى بونیاد بنێ، له‌ هه‌موو کاتێک زیاتر له‌ سه‌رکه‌وتن نزیک بۆته‌وه‌.

له‌ کۆبونه‌وه‌که‌ دا هه‌روه‌ها بڕیاردراوه‌، له‌ پێناو پێشکه‌وتنى دێموکراسى و برایه‌تى گه‌لان له‌ هه‌رێمه‌که‌دا، تێکۆشانى هاوبه‌ش له‌گه‌ڵ

گه‌لانى عه‌ره‌ب و فارس په‌ره‌ى پێبدرێت.