| ||
|
||
دیواری ڕەش و سپی
هەورێکی ڕەش پەڵەی تاریک لە وڵاتێکی تەسک و باریک تەم و مژی ئەو هەورانە وەکو ڕم لەسەر سەرمانە بێدەنگی یە ، دەنگێ نایە شار خامۆشە بێ چرایە مەلی سپی لەنێو زیندا باڵی شکاو لە نێو بەندا هەر هەنیسکی پڕ گریانە خوێنی سووری لاوەکانە شەپۆلی ئاو لێزمەی باران ڕۆژی تاریک چەرخ و زەمان ڕۆژی هۆلاکۆی نەفامە کوژران، تێ هەڵدان و سامە پەڵەی هەوری ڕەشی چڵکن وەکو عەبای ڕەشی هی ژن تادێ ووڵات تاریک دەکا دەروونی کورد غەمگین دەکا ڕێگە سەرپاکی هەر گورگە گورگ شاڵاوی بۆ مەرگە ئازار خەفەت ، دەرد و ژانە بڕین ، ناڵە ، بەندینخانە کوژران ، لێدان ، پەت کردنە لاوی کوردان بۆ مردنە گوللە و تەقە و هەر کوژرانە یان بێ خەتا لە زیندانە بەبێ مافین ، گەورە نامەرد دژی هەستی کوردی نەبەرد گەورە گورزی خۆی ئەنوێنێ هەستمان بۆ ژین ئەتۆرێنێ برین ، بڕین ، یان خنکانە یان کوژانی مۆمی جوانە ژیان سەرپاکی خوێناوە خوێناو بۆ کوردی داماوە دروشم هەر دەرد و زامە ئەمە کاری ئەو نەفامە چاو سور بوون و بگرەو بەردە بۆ سەر لاشەی قەومی کوردە زنجیر ، قەنارە و هەڵواسین دانرا بۆسەر قەومی غەمگین یەکەم کاری ئیستیعماری یەکەم ئیشی بە زۆرداری لە کوردستان بەکار هێنرا بەوشێوەیە وێران کرا دوژمن کاری کیمیایی بوو بەد ئەنفالی خۆڕایی بوو بردن و تاڵان و کوشتن بووە ڕەمزی دەستی دوژمن چەپۆکی قین گیانی هەژان شەو و ڕۆژی لێ بوو بە ژان دڵسۆزانی کورد پەرستی شەیدای خۆری پڕ سەربەستی چاوەڕێ بوو ، چاوەڕوانی بۆ شەفەقی دەم بەیانی گیانی لاوان بزوا بزوا پڕ لەخۆ بردو پڕ بڕوا هێزی تۆڵەی وەک بورکان بوو وەک تریشقەی ناو ئاسمان بوو هاواری گەل ، دڵ ووروژان تاڵی ژینی پێ ئەبزوان کوڵی دڵی کورد لە جۆش بوو بۆ سنگی دوژمن پەرۆش بوو کانی بڕوا و هێزی تۆڵەی مافی سەربەستی بۆ ڕۆڵەی دەستی زەبر خۆی توند وەشان قەڵای ڕەشی سەختی شکان بۆیە ئاسۆی کورد بە تینە کاروانی هەر تێکۆشینە ...... ....... ڕێبوار ئالانی بەریتانیا rebwaralany@hotmail.co.uk پێشکەشە بەیادی ڕاپەڕینە مەزنەکەی 07/03/1991 کوردستان ..
ئەم هۆنراوەتەوە. 1. لەساڵی 1994 لە دەنگی خوێندکاران لە هەولێر خوێندراوەتەوە. 2. لەساڵی 1995 لە دەنگی ڕادیۆی زانکۆ خوێندراوەتەوە. 3. لەساڵی 1996 لە دەنگی ڕادیۆی کوردایەتی خوێندراوەتەوە. |
||
Qadirzada.com © 2009. All rights reserved
|
||