کچە ئاوارە

 

(1)

‌ئەی ئەو کچەی ئاوارەیت و

‌ژانی قەومێ بە کۆڵەوە

‌جوانی خۆت کردە قوربانی

‌ئەژیت بەم دەشت و دۆڵەوە

‌......      ......

‌هەتا حەزکەی گەردوونی شووم

‌پشتی ناوی بەباری زۆر

‌بە پێ خاوسی و سکی برسی

‌گێژی داوی دەردی ناسۆر

‌......      ......

‌باری ژیانی پڕ کێشە ؟؟؟

‌بەلاشەتا هەڵواسراوە

‌هەزار تەم و بۆی غەریبی

‌لەناو چاوانت نوسراوە

‌.....     ......

‌هەناسەی گەرمە سێری تۆ

‌بەفری تەمەن دەکات بە ئاو

‌کام وویژدانە وای لێکردن ؟

‌حەقی نەدی بە هەردوو چاو

‌.....      .......

‌نازدارەکەم ئەی ئاوارە

‌تۆ و شیعرەکانم زۆر گەڕان

‌کەچی بۆ چەند ساتێکیش بێ ؟

‌لە یەکتری قەت دانەبڕان

‌..........     ........

 

‌ڕێبوار ئالانی

‌بەریتانیا

‌rebwaralany@hotmail.co.uk

‌پێشکەشە بە ئاوارە نازدارەکانی ڕۆژئاوای کوردستان

 

Qadirzada.com © 2009-2022. All rights reserved