خەمێک بۆ هەڵەبجە

بەشی(2)

‌دڵمان لە ئاستی خاکی تۆ

‌سوتاوە و هەر بۆسۆیەتی ؛؛

‌بەڵێنەکان گشت درۆ بوون ،،

‌هەڵەبجە هەروەک خۆیەتی

‌......      ......

‌ئەی هەڵەبجەی خۆشەوویستم

‌خاکی غەمناکی داماڵیو

‌چەند سەرکردەی کوردت هەیە ؟؟

‌ئێستاش کەوتوی وەکو هەتیو

‌......       ......

‌ئازار و دەردی ناو جەستەت

‌ئەمانخاتە دەریای مەنگی

‌ئەو بەڵێنانەی پێیاندای ؟؟؛

‌کوا دەروازە و باڵا و ڕەنگی

‌......      ......

‌تۆ هەر تەنیای وەک غەریبێ ؟

‌ساتێ نەبوو ڕێژنە باران ،

‌خۆر لە چاوی تۆدا هەڵبێ ؟؛

‌وەکو سەمای گەڵای داران

‌.....      ......

‌کێ نووری نیگای خنکانی ؟؛

‌تۆی وێران کرد ؛ بەئەم شێوە ؟؛

‌باخی هەنارانت کوانێ ؟؟؟؟

‌خامۆشیان کرد بە ئەم سێوە ،،،

‌......      ......

‌دڵمان لە ئاستی خاکی تۆ

‌سوتاوە و هەر بۆسۆیەتی ؛؛

‌بەڵێنەکان گشت درۆ بوون ،،

‌هەڵەبجە هەروەک خۆیەتی

‌......      ......

‌کوا شەقامت ؟ کۆڵان ، خانوو ؟

‌من ئەمانە ...،... ئەنووسمەوە

‌پاییز لە باڵای تۆ ئەچێ ،،،

‌وا وێران بووی ناتناسمەوە

‌......      .....

‌ئێوارەیە و ماڵئاوایی ،،1،،

‌لای هەڵەبجە داغستانە

‌ئاوا بڕوات ئائەم شارە

‌ئەبێ بە گوندی وێرانە ؟؟؟.

‌......      .....

‌هەناسەی تۆ و مافی مرۆڤ

‌وەک باکوور و باشوور دوورە

‌ئەمیان جەستەی لەخوێندایە ؟؟

‌ئەویان قسەی زەرد و سوورە

‌......      .....

‌تەنیایی وا ڕووحت ئەخوا

‌جەستەت زامی پاییزانە

‌کەسێ دڵی نەدایتەوە

‌بە هێمنی و ئازیزانە

‌......      ......

‌چەتری ڕەشپۆشیت هەڵداوە

‌لە بەهاری ئەم ووڵاتە ،،،

‌کەسێ نەهات تۆبدوێنێ ؟؟؟

‌بۆ حەقی ئەم کارەساتە

‌......      ......

‌ڕێبوار ئالانی

‌بەریتانیا

‌2013/03/16

‌1..بەم جۆرەش هەیە...

‌ئەم بەیتە بەم شێوەیەش هەیە..

‌ئێوارەیە و ماڵئاوایی

‌لای هەڵەبجە داغستانە

‌ئەڵێی گوندێکی بچوک

‌لەسەر تاپای کوردستانا

 

Qadirzada.com © 2009. All rights reserved