| ||
|
||
رێكخراوەكانی تایبەت بە ئەنفال، بەیاننامەیەكی ناڕەزایى بڵاودەكەنەوە
دەقی بەیاننامەكە: بەیاننامەی ناڕەزایی دژی ئازادكردنی تاوانباری ئەنفال (سوڵتان هاشم)
جەماوەری بەهەڵوێستی عیراق و هەرێمی كوردستان سەرۆكایەتی كۆمار سەرۆكایەتی ئەنجومەنی نوێنەران ئەنجومەنی وەزیرانی عیراق دادگای بالای تاوانەكانی عیراق سەرۆكایەتی هەرێمی كوردستان سەرۆكایەتی پەرلەمانی كوردستان ئەنجومەنی وەزیرانی كوردستان حزب و لایەنەكانی عێراق و كوردستان لەكاتێكدا گەورە تاوانباری پرۆسەكانی ئەنفال (سوڵتان هاشم) لە حوزەیرانی ساڵی 2007 دا دادگای باڵای تاوانەكانی عیراق بڕیاری لەسێدارەدانی بۆ دەركرد، لە ئێستادا هەوڵێك هەیە بۆ ئازادكردنی ئەو گەورە تاوانبارە و جێبەجێ نەكردنی سزاكەی، بۆیە ئێمە وەكو كەسوكاری قوربانییانی ئەنفال داوا لە سەرجەم لایەنە عیراقی و كوردستانییەكان دەكەین، دژی ئەم هەوڵە بوەستنەوە و نەهێڵن ئەو تاوانبارە ئازاد بكرێت، چونكە لەڕووی یاساییەوە پێچەوانەی بڕیاری دادگای باڵای تاوانەكانی عیراقە و هەروەها لەڕووی دەروونییشەوە بۆ كەسوكاری قوربانیانی ئەنفال و خەڵكی كوردستان ئازاردانی ڕوحییە. هەربۆیە داوا لە نوێنەرانی كورد لە ئەنجومەنی نوێنەرانی عێراق دەكەین بە هەموو شێوەیەك رێگری لەم هەوڵە بكەن . كەسوكاری ئەنفالكراوان و شەهیدان و ڕێكخراوەكانی بواری ئەنفال و رۆشنبیرانی سنوری پایتەختی شەهیدان و ئەنفالكراوان (چەمچەماڵ)
|
||
Qadirzada.com © 2009 - 2015. All rights reserved
|
||