كۆشكی ڕه‌ش

 

 

ته‌رازووی سپی ڕه‌شتتر كرده‌وه‌

بوو به‌گه‌مه‌ی گیرفان بازی

كه‌وتنه‌ شوێنی ئه‌فراسیاو

پێپه‌تی و كوردی ناڕازی

زریانێك زۆر له‌ڕێدایه‌

مێزه‌رو جامانی و كراس

به‌سه‌ر ته‌لی ئاگرینا ڕاوده‌نێت و

چه‌ندین به‌رده‌باز ورد ده‌بن

چوون عوسمانی و كه‌ره‌كێوی

گاڵته‌یان ده‌كرد به‌ڕێوی

ده‌ربه‌نده‌كان

جه‌ندرمه‌ و چه‌ته‌ قووت ده‌ده‌ن

هه‌روا شاكاری نووسه‌ره‌

چه‌ندین پێنووسی له‌رزۆك و

ته‌فره‌چنی پاش گاڵته‌جاڕ

ده‌بن به‌باڕ

تلیاك زۆرده‌بن له‌دوندا

وه‌ك ته‌ڕه‌پیاز

ئینجا هه‌رچیه‌ك ده‌كرۆژن

تامی مه‌ی و پیسی ده‌دا

كه‌ركورته‌كان

پاشكۆی لووت و فیرعه‌ونه‌كان

له‌دێره‌ل زۆڵ ڕاده‌وه‌ستن

به‌قه‌د خۆیان

پاره‌ ده‌خه‌نه‌ پاشوویان

پێشیان پڕ ده‌كه‌ن له‌مێش و

خوریكه‌ی زاریان ده‌بێته‌

شێرپه‌نجه‌یه‌كی توولانی

هه‌روا خامه‌یه‌ شین ده‌بن

چله‌ی ژنان .. كۆتایی دێ‌

دایكێك نوێ‌

له‌بانێژه‌ی ئاسمانه‌وه‌

له‌گه‌ڵ ته‌رزه‌ دێنه‌ خوارێ‌

ناوی ده‌نێن

نیشتمانی سه‌روو خوارێ‌

میلله‌تمان ده‌بوژێته‌وه‌

سووره‌كان ـ ڕووسه‌كان

ڕه‌شه‌كان ــ شه‌ڕه‌نگێزه‌كان

ده‌بن به‌شه‌مشه‌مه‌ كوێره‌

بایه‌كورد داڵده‌یان ده‌دا

به‌ڕۆژیش له‌كه‌ل دێنه‌ده‌ر

قوڕ به‌سه‌ری ده‌سه‌ڵاتێك

رێگه‌ی میلله‌ت نه‌گرێته‌به‌ر

 

ستار ئه‌حمه‌د

 

Qadirzada.com ©2009 - 2021. All rights reserved