ژن

جه‌ژنی ژنانه‌ كڕێوه‌ی به‌فره‌

هه‌موو سه‌رمه‌ستین بۆ خودای گه‌وره‌

پرشنگی نووری له‌دڵا سه‌رده‌كا

به‌ره‌و هزری نوێ‌ چرۆ ده‌رده‌كا

ژنان سه‌رچاوه‌ی ئه‌وین و پاكین

ئێمه‌ش ئاونگی هه‌ڵاڵه‌ی خاكین

له‌كۆنه‌وه‌ دڵ پرشنگی ژنه‌

بۆ لوتكه‌ی ڕاستی ده‌بن به‌زنه‌

سایه‌ی چیای ـ پرشنگ دوندی ڕواوه‌

باوك گه‌ردی خۆڵ ـ دایكیش ئاوه‌

سه‌رچاوه‌ی چاوگ ـ نووری یه‌زدانن

به‌هه‌شتی دونیاو شه‌ونمی گیانن

له‌رزه‌ی داری خۆرـ گوڵه‌ زه‌یتوونه‌

موسڵمان چه‌تری بوون و نه‌بوونه‌

ستار ئه‌حمه‌د