به‌رامه‌ی عه‌شق

 

 

 

نمه‌ی ئه‌شكێك بینی گرتووم

دڵم چه‌شنی پارچه‌ هه‌ورێ‌

دیده‌ی ئاسمان ده‌گرێنێ‌

هه‌نگاوی كۆچت هه‌ڵده‌گرێ‌

شه‌وبای هه‌ناسه‌ت ده‌مگاتێ‌

به‌رامه‌ی عه‌شق ده‌مهه‌ژێنێ‌

ئه‌ستێره‌یه‌ك نایه‌ته‌ لام

هه‌واڵێكتم بۆ بهێنێ‌

له‌تارمایی ژووره‌كه‌ما

نیگات روانگه‌م لێڵ ده‌كا

وشه‌ی ناخم ده‌توێته‌وه‌

ماچی لاپه‌ڕه‌و هێڵ ده‌كا

ده‌بمه‌ شیعرو داده‌مركێم

تیله‌ی نازت نامدوێنێ‌

كۆرپه‌ی ناخم له‌دار ده‌ده‌ی

دووریت جه‌رگم ده‌سووتێنێ‌

رووت وه‌رگێڕاو به‌جێت هێڵام

له‌ده‌روونت به‌ده‌رتنام

بۆ نه‌تزانی من به‌بێ‌ تۆ

شاعیرێكی نامۆو ته‌نهام

ئه‌مێستاكه‌ش به‌خه‌مباری

كه‌وێنه‌یه‌كت ده‌دوێنم

تروسكه‌ی رووت رووم تێده‌كا

بۆ كۆچت فرمێسك ده‌ڕژێنم

 

ستار ئه‌حمه‌د

 

Qadirzada.com © 2009 - 2022. All rights reserved