ئاگری مەینەت

  ئاگری مەینەت دیسان هەڵگیرسا

  هەر وەكوو گورگێك تاودا لەبرسا

  دڵ و دەروونی جەرگمی گرتەوە

  دونیای رووناكمی تاریك كردەوە

  گڕی بەردایە هۆبەی بێداریم

  كۆتایی نایە گریان و زاریم

  ئاگر هەتا كەی بەماڵم فێری

  هەتا كەی جەرگم بۆ گۆڕ دەنێری

  گەورەو بچووكی ماڵمت داگیرسان

  چوون هەموو گوندو شاری كوردستان

  كاتێك دوژمنی نەگریس و خوێن رێژ

  پیرو مناڵی دایە بەر دەسڕێژ

  ستەمكار نەما خرایە گۆڕێ

  ئاگر بۆ پیشەو كارت ناگۆڕێ

ستار ئەحمەد