باران

ستار ئه‌حمه‌د

 

ئای باوكه‌ له‌كام لای ئه‌ م جیهانه‌

تابلۆیه‌كت بۆ نه‌خشانم

له‌كۆێی ئه‌م دونیایه‌ ناونووست كردم

تۆ بوویته‌ گۆڕو..

منیش خۆراكی زیندانم

كام ده‌ڤه‌ره‌ به‌زام چرۆی نه‌كردووه‌

ئه‌دگارو مێژووی ئێمه‌یان نه‌بردووه‌

هه‌ر درزێكی ئه‌م زه‌مینه‌

به‌خوێن نه‌خشه‌ی كێشرابێ‌

ده‌بێ‌ كلی چاوانی خانزادو

زامی چیابێ‌

دایكم ده‌یوت

ئیمه‌ نه‌وه‌ی خۆره‌تاوین

به‌تیشك ناوكیان بڕیوین

به‌نوور ده‌سرازه‌ی لانكیان بۆ چنیوین

تخوا باوكه‌

دایكم له‌كام چینی ئاسمان

توایه‌وه‌ بووه‌ باران

 

Qadirzada.com © 2009-2022. All rights reserved