داگیرسان ...

ستار ئه‌حمه د

له‌ سووتانی جه‌رگی ته‌مه‌ن و

 داگیرسانی رۆحی تۆو

رووشانی شیعری ژیكه‌ڵه‌و

هه‌ڵوه‌رینی پرچی بادا

خۆر له‌ئاوابوون ده‌كه‌وێ‌

ئاسمان بروسكه‌ دایده‌گرێ‌

شه‌و قژی پرشنگ بانادا

له‌ژانا ده‌ڕسكێم

كاتێك سروه‌یه‌ك  ده‌مدوورێ‌

به‌شاباڵی وه‌نه‌وزه‌وه‌

ئیتر شه‌و  بارده‌كاو

تۆ تریفه‌ی خه‌ونی ئاڵی

له‌ساوای رۆحم ده‌ئاڵێی

له‌هه‌ناوی شیعرێكه‌وه‌

خۆت ده‌كه‌یت به‌زامی جه‌رگما

وه‌ك هه‌نسكی عاشقه‌ كچێ‌

له‌تیله‌ی  هه‌رزه‌ حه‌زێكا

ده‌كه‌ومه‌ نه‌رمه‌ سه‌ما