| ||
ئافرەت و شەکراوی شەرەف ..
(پەخشان)
ئەوەی بەوە ناڕازی یە : ( ئـافـرەت شەرەف شانـازی یە ) ، دیارە مەیلی فێڵبازی یە ، ناخ نەوسن گورگەگازی یە، ئا ڕێوی هەوەسبازییە !!! چی لە ( شەرەف ) شەنگینترو سەنگینترو زەنگینترو ڕەنگینترو جوانمەردی یە! کچێک بە تاجی شکۆوە .. بە بوێری گفتوگۆوە ، بڵێ : (ئەخلاق)تاجی سەرە ، بۆ کورتی و کەم و کەسەرە ! پێم بڵێ بۆ ؟ کچێ دادە ، خوشکێ خانم ، خاتوونی شەنگ ، بە سەداو سەڵای حەیاوە ، خۆت بێرە دەنگ : - بەڵێ ڕەوشت تاجی سەرمە ، ئەدەب، حومەت کاڵای بەرمە .. پشتوێنی مەردی و نەبەردی ، لە کەمەرمە ، ئاکار گەردانەی گەوهەرمە . ئەوانەی گوایە جاڕ دەدەن : ئـازا بـژی و ئازادی یەو ، بەکەیفی خۆ ، وەرەو بڕۆ ،قەیدی چییە ! ئەی کواو لەکوێ کچی خۆی ئـازاو ئازادە و ڕێی پـێـدەدا : نـمایش و سەیر و سەمای ؟! کەچی بۆ تۆ وایە تەمای : بۆی ببیە نێچیرو مەڕو .. هەر لەپەڕو .. بۆخۆت شەڕو ، بۆ ئەو فەڕو ، لەبانگی سەروەریت کەڕو چی و چی و .. هـەزار وتــەو ، قـسـەی قەڵـب و سواو .. پوک و پواو . دەخیل وەرە خۆت بناسە.. بەو پێناسە.. کەڕێی مرۆی مەرد و خاسە ، بەفێڵی وان نەکەوییە ناو چاڵ و تاسە .. دوایی چەند ڕۆژێ مانـشـێـتـی و قسەی زلی بێ ناوەڕۆک . وەرە شاخ بەو .. بەڵێ باخ بەو .. تۆ( ئافرەت)ی بەحەیاوە ، هەمیشە وای بە حەواوە .
عبدالرحمن تاوگۆزی ٩ / ٣ / ٢٠٢٢
| ||
Qadirzada.com © 2009 - 2022. All rights reserved
| ||