عەتری ( باران ) و ( بۆن )ی خاک

نەشمـیل بـریسکەی ، نازەنین ڕەنگی

ئاوەنیایی ڕۆح ، خۆش ئاواز دەنگە

مـیـکـیــاژی لــێــوی خـاکی کــردەوە

نەخـشی کـرد کاڵای بەهاری شەنگی

هـومـێـدی هــێـنــا بـۆ شـایـی گوڵان

تەریک و تار بوو ، ڕەشبـینی جەنگی

ئـەوی کـە تـەمـا و تـیـنـی نـەمـا بوو

جاڕی بانـگێ بوو ، وتـی : دەبـەنـگی

نـم نـم کـەوتـە سـەر گـۆنـای گـوڵاڵە

بـۆ نـەشـونـما چـوست و چـەلـەنگی

تکەی گوارەی زیـو ، وە گـەڵای دارۆ

ئاوێـزانی عەشق ، وەکار خـەدەنگی

نــاســـک ئــارایــی ، مـژدەی دارایـی

هەرکێ دامابـوو ! چوو شەوەزەنگی

وریـجـەی تـکـەی ، نـقـێـمــی جـوانی

پڕ پەیڤی هەیڤی ، باران فـەرهەنگی

مەستم بەعەتـری باران و(بۆ)ی خاک

نـاخـم گـوڵشـەنی پەپـوولە و هەنگی

بـێ لـەتـەک مـنـا سـرووشـتـی بــژین

قـەدری مـرۆڤ و دەوروبـەر سـەنگی

(تاوگۆزی) زاری شەستەی شوکروحەمد

( باری ) ش هەزاران پەیام و زەنگی .

عبدالرحمن تاوگۆزی .

٢٧ / ٤ / ٢٠٢٢