| ||
( فیرعەون )یش بیت .. !
بەخوا ئەگەر( فیرعەون )یش بی ،خاوەنی تـاج و کەونـیش بی .. لـەسەرهــەورەکەی خەونیش بی ،خۆت(تان و پۆ)و، هەرخۆت کەڵکیتی تەونیش بی .. ! دونیا بـەساقـەی سەرت بێ .. بەرگ پۆڵاو لەبەرت بێ .. سەرزەمین باخی بەرت بێ ، ڕیـابـازان ، کێ ئیشکچی کۆشک و خــۆو دەوروبەرت بێ ..! قاسەو کاسەت ، پڵاوو پیاسەت ،پێناسەت لەو سێوو بەهێ و گیلاسەت .. لە ئەو هەموو دەنگوباسەت .. چی دەکەیت و چی دەکێڵی ! ساتێ هەردەبڕێ هەناسەت. پرسیوتە : کوا کاری خاسەت ؟ وەرە .. بفامێ و هۆشت بێ ،خۆبەو ژیانی خۆشت بێ ، شیری هۆشیاری گۆشت بێ ، بۆچی سەری زرکەتاڵی پڕلەقاڵی بێکەماڵی سەخۆشت بێ ؟؟؟ هەرماڵی زێڕین چێ دەکەی ! بێخەبەری زۆرت نەماوە ڕێ دەکەی ! ڕۆژێ هەمووی دێتە کۆتا .. فلسێ نابەی لەگەڵ خۆتا .. بەر لەگەشتن خۆت بگۆڕە ، بەخوا دەتخەنە ئەو گۆڕە .. !
عبدالرحمن تاوگۆزی شەوی٢٧/٨/٢٠٢٠
| ||
Qadirzada.com © 2009 - 2022. All rights reserved
| ||