| ||
هەی ڕۆ ... هەڵەبجە
هەی ڕۆ یـاران ، نغرۆی شینە هەڵەبجە هەی ڕۆ ڕەشپۆش بەرگی شینە هەڵەبجە
دەردی گران ، بـــێ دەرمـانـە زامـەکەی هەی ڕۆ هیلاک ، مــاتــی ژیـنە هەڵەبجە
(کل)ی عەنبەر، مێخەکی حەبـیـبەوشەم هەی ڕۆ بــێــنـاز ، مــاتەمـینە هەڵەبجە
وەلی وگۆران، مەولەوی و احمدموختار هەی ڕۆ تووڕەن ، کەغەمگینە هەڵەبجە
کــانـی عاشـقان ئــاوی عەشـقی لێ بـڕا هەی ڕۆ بـێکەس !خاکی ڤینە هەڵەبجە
پێنج هەزار ڕۆح ، وەکو پەپوولە فڕیـن هەی ڕۆ دۆسـتێ، هەرزەنگینە هەڵەبجە
شــنــەی شارە ، پەیــامەکەی شـــنــروێ هەی ڕۆ ڕابـــن ، مەیلی تینە هەڵەبجە
( تاوگۆزی )بێ : گوڵ و گوڵاوی گوڵان هەی ڕۆ نـاژی ! خۆ یەقـینـە هەڵەبجە .
عبدالرحمن تاوگۆزی ١٤،١٥/٣/٢٠١٧
| ||
Qadirzada.com © 2009 - 2022. All rights reserved
| ||