| ||
کەشی ( کەش و فش )
بـۆ سـاتـێ هـاتــووی چـیـیە ئـەم هەرا بــەرگــی ئــەبــەدی نـــاکــەی بــە بەرا سەد کیسراو قەیسەر هاتن و ڕۆشـتـن وێران و خاپوور چەند کۆشک و سەرا ئـەم بــەزم و ڕەزمـەی ژیـانـت لـەچی چەند شێر زەلیل بوو لە بەرپـێی کەرا مۆری تەختی(کەی)،کوا کەی،لەکوێیە خۆ موڵـکی نەمروود چـوو بە هەدەرا هەزاران هـیـتلەر بـوون بـە حیکایەت چەند فیرعەون هاتن ، کەوتن بەسەرا ئـەو شـۆڕە سوارەی لـوتـبـەرزی نواند سەرگـەردان و وێـڵ لە دەشت و دەرا کەش و فش و فیز،کەشی بەسەرچوو سـبـەینـێ ( کـفـن )ت دەکـەن بـە بەرا خـۆ نـوانـدنــت لــەم کــۆڕ و لــەو کۆ چون گـورگی لەنـێـو بـەرگی بـەشەرا بـۆ ئـافــەریـنـێ ( ڕازی ) ئـەم و ئــەو خۆ بووی بە ( ڕاز )و وای لە دەفـتەرا دووچڵ ئێسقان و پلێ گۆشت وخوێن لـەوە زیـاتـر چـیت ؟ وای لـە خـەتەرا هەیبەت سوڵتانی ، یا سوڵتان هەیبەت بێ بـار لــە ( بــاری ) وای لە سەقەرا بـۆ نـیگـای چـاوێ ، نـیگـار مـەفرۆشە وای لــە باخـێـکـی زۆر بــێ سـەمەرا من بۆ خوا وتم ،هۆش یار نە هۆش بار نـاوت تــۆمـــارە و ، وای لــە قـەدەرا ( تاوگۆزی ) نەکەی لادان بە لا ( دان ) کێ سـەری داوە ! وا لــە ( کــەسەر )ا .
عبدالرحمن تاوگۆزی . ٢٢ / ١ / ٢٠٢٢
| ||
Qadirzada.com © 2009 - 2022. All rights reserved
| ||