کردگارا ...

( موناجات )

هــیوای ســپــی دڵ هـەرتـــۆی نــیـازە

نــاو لــەپـــی داوام پـــــڕ داواو ڕازە

پشت بەستن بەتۆ : درزو شەمچەیەک

دەکـا بــە شـــەم و دەروو دەروازە !

بۆ هەر گـرفت و لەمـپـەری ڕێ یەک

دڵ بـۆ حـزوورت دێ خــۆش ئـاوازە

تۆم هەبـێ بەسمە کەس و فریادڕەس

دەرمــانــخانــەکــەی تــۆ چــارەســــازە

ئاونگی سۆز و میهری ( بێچوون )*ت

تـەڕتـەڕی کـردووم گـۆڤــەنــدی نـــازە

تـەقـەم لـە دەرگـای بەخـشـیـنـت داوە

ناچـێـتـە لای کەس ؟ ! بـچـێ لاوازە

نـمـەی ڕەحـمـی تـۆ بــاران لە ڕوویـا

کەم و کپ و کورت ،کاڵ بێ ئەندازە

کێ لـە ئـاســتـانــەی تـۆدا وەسـتـابـێ

پـــەیـــاپـــەی دڵـی لــێ ئـــەدا تــازە

سـەرسـپـاردنـیـش بـە دیـوانـی کـەس

ڕۆشـتـنـە بـێ دڵ ، ژیــن پـەرتـەوازە

بـێ هـیـوا بـوون و یـاخی بوون لەتۆ

مـــرۆی بــــێ دڵ و ڕۆح لانــــەوازە

( تاوگـۆزی ) بە ڕۆح چرای ئومـێـدی

دەگڕێ ڕوون وگەش ڕۆشن بە(گازە).

عبدالرحمن تاوگۆزی

١٠/١١/٢٠١٧

* بێچوون : بێ وێنە