| ||
( پارە و نوێنەری و میللەت )
شـێت و شینی پارەی مۆڵ گێلی کردووین بـــێ نــقــەیــی وا بــە مـــۆدێلی کردووین سواری کەشتی دەنگتان بووین دەنگمان نییە هــێـزو هـەزەی پـردو پـێـشـێلی کـردووین ڕوومــان نـیـیـە لـــە ڕووتــانـــا دەرکـەوین ڕووزەردی لــــە سـۆراغ و تـێـلی کردووین پەڵـەیـەکــــەو مــێـــژوومــــانی سیـیا کرد دۆڕاین نـاحەق فـێری قـوڕشێلی کردووین وەکـو ئـــەوەی مـــرۆڤـبـوونـمـان چۆڕابێ بـێـدڵ لـــەئــێــوەو خزم و ئـێلی کردووین بـــێ گـڵــۆپ و سـتـوونــێـکی ژەنــگاویــن بێ هەست و سۆز ،ئــا بەدارتێلی کردووین زیندە مــردووین تـەڵـقـیــنی خۆ دادەدەین ئـیمان ویـژدان بێ گیان بە کێلی کردووین هەندێ شاخ بووین بەدەنگ بووین ئێستا دەبەنگ داوەشــیـانــە ! هــەوا جــاحـێلی کردووین دێـوی دەهـۆڵ کوت ، دێـوانـەین لـە دیوان بۆ چای وان بە دارچینی و حێلی کردووین سوێندمان پووشێ ، بردی بـای بـێـوەفایی گــەمــەی پـارە بــە هـێمـاو قێلی کردووین چەپـڵــەی ئـێـوەی دامـاویـش بە خاوەنی : (کارگەوکۆشک وڤێلاو ئوتێل)ی کردووین.
عبدالرحمن تاوگۆزی ٢١/٨/٢٠٢١
| ||
Qadirzada.com © 2009 - 2022. All rights reserved
| ||