پۆلیس هه‌ڵی كوتایه‌ سه‌ربارەگاکانی پارتی ئاشتی ‌و دیموكراسی  و ماڵه‌كه‌ی‌ له‌یلا زانا

 ئاژانسەکانی هەواڵ باکوری کوردستان ؛سایتی رۆژنامه‌ی‌ توده‌ی‌ زه‌مان بڵاویكرده‌وه‌ كه‌: سه‌رله‌به‌یانی ئه‌مڕۆ هه‌ینی١٣/١/٢٠١٢،

پۆلیسی توركیا هه‌ڵی كوتایه‌ سه‌ر چه‌ند شوێنێكی‌ جیاجیا له‌ ١٦ پارێزگای‌ ئه‌و وڵاته‌، كه‌ له‌ناویاندا چه‌ند ئۆفیس‌و باره‌گایه‌كی پارتی

 ئاشتی‌و دیموكراسیBDP تیابوو، له‌گه‌ڵ ماڵ‌و ئۆفیسی ئه‌نكه‌ره‌ی‌ پارله‌مانتاری‌ ناسراوی كورد له‌یلا زانا.

به‌ پێی هەمان سەرچاوە: ئه‌م هه‌ڵمه‌ته‌ی‌ پۆلیسی توركیا له‌ هه‌ڵكوتانه‌ سه‌ر باره‌گاو ماڵی‌ سیاسه‌تمه‌داره‌ كورده‌كانی توركیا به‌شێكه‌

 له‌وئۆپه‌راسیۆنه‌دایه‌ كه‌ پۆلیسی توركیا له‌ دژی KCK  ئه‌نجامی‌  ده‌دات.

هەروەها توده‌ی‌ زه‌مان بڵاویكرده‌وه‌ كه‌: هه‌ر له‌ چوارچێوه‌ی‌ ئه‌م هه‌ڵمه‌ته‌دا، نزیكه‌ی‌ ٢٠ كه‌س ده‌ست به‌سه‌ركراون كه‌ له‌ ناویاندا

 هاوسه‌رۆكی پارتی 'DEHEP'ی قه‌ده‌غه‌كراو فاتمه‌ كورتولان هه‌یه‌.

هه‌رله‌ هه‌واڵه‌كه‌ی‌ توده‌ی‌ زه‌ماندا هاتووه‌، به‌شی هه‌ره‌ زۆری‌ ئه‌و شوێنانه‌ی‌ له‌ هه‌ڵمه‌ته‌كه‌ی‌ ئه‌مڕۆی‌ پۆلیسی توركیادا پشكنراووه‌،

 باره‌گاوشوێنه‌كانی BDP پارتی ئاشتی‌و دیموكراسی بووه‌. شایانی باسە ئەم هەڵمەتە لەکاتێکدایە کە هەڕەشە لەسیاسەتمەدارانی کورد

 کراوە بەکوشتن ودادگای کردنیان لە لایەن دەسەڵاتدارانی تورکەوە.