سوپای تورکیا چەکی کیمیاوی بەکارهێناوە

 دوای ئەوەی کە زۆر بەی سەرچاوەکانی هەواڵ بلاویان کردەوە کە شەڕێکی قورس لە نێوان گەریلاکانی پەکەکە و سوپای تورکیا لە چیای جودی هاتۆتەئاراوە ، سوپای تورکیا لەو شەڕەدا چەکی کیمیاوی بەکار هێناوە . ‌

 به‌گوێره‌ی‌ هه‌والێك كه‌ ئاژانسی‌ فورات نیوز نزیك له‌پارتی‌ كرێكارانی‌ كوردستان بلاَویكرده‌وه‌" له‌شه‌ڕه‌كه‌ی‌ رۆژی‌ یه‌كشه‌ممه‌ی‌ نێوان  گه‌ریلاكانی‌ په‌كه‌كه‌و سوپای‌ توركیادا چه‌ندین كه‌س له‌هه‌ردولا كوژراون و برینداربوون، به‌لاَم تائێستا ژماره‌كان نازانرێت، هه‌روه‌ك ئه‌وه‌ش رونكراوته‌وه‌ كه‌ له‌و شه‌ره‌دا سوپای‌ توركیا چه‌ندین جۆر تانك و زرێپۆش و فرۆكه‌ی‌ جه‌نگی‌ به‌كارهێناوه.‌

 سه‌لاَحه‌دین ده‌میرتاش'هاوسه‌رۆكی‌ به‌ده‌په‌' ڕایگه‌یاند" به‌پێی‌ سه‌رچاوه‌ ناوخۆییه‌كان له‌ 'جودی‌'دا  سوپای‌ توركیا چه‌كی‌ كیمیایی‌ له‌دژی‌ گه‌ریلاكانی‌ په‌كه‌كه‌ به‌كارهێناوه.‌

 'ده‌میرتاش' داواشی‌ له‌خه‌ڵكی‌  بۆتان كرد ناڕه‌زایی‌ له‌دژی‌ ئه‌و ئۆپه‌راسیۆنه‌ ده‌رببڕن و رێگری‌ بكه‌ن له‌كوشتنی‌ ڕۆڵه‌كانی‌ كورد، هه‌روه‌ك ئه‌وه‌شی‌ رونكرده‌وه‌ كه‌ چالاكی‌ مه‌ده‌نی‌ باشترین رێگه‌یه‌ بۆ كۆتایی‌ هێنان به‌ جه‌نگ.