زیانلێکەوتوانی سەر سنوورقەرەبوو دەکرێنەوە

 بەگوێرەی سەرچاوەکانی هەواڵ لەباشوری کوردستان ڕۆژی پێنج شەممە بەرواری‌ ٢٢/١٢/٢٠١١  وه‌زاره‌تی‌ كۆچ و كۆچبه‌رانی‌  حكومه‌تی‌ عێراق لە گۆنگرەیەکی ڕۆژنامەوانیدا ڕیژەی یارمەتی بۆ زیان لێکەوتوەکانی سنورەکانی هەرێمی کوردستان خستەڕوو.

 به‌گوێره‌ی‌ بڕیارێك حكومه‌تی‌ عێراق بڕی‌ ٥ ملیار دینار وه‌ك هاوكاری‌ پێشكه‌ش به‌ زیانلێكه‌وتووانی‌ تۆپبارانی‌ ناوچه‌ سنورییه‌كانی‌ هه‌رێمی‌ كوردستان ده‌كات كه‌ نزیكه‌ی‌ ٢٠٥٩ خێزان ئاواره‌بوون‌و  "١٩" هاوڵاتی‌ شه‌هید و  "١٩"ی‌ تریش برینداربوون.

 هه‌ر له‌و كۆنگره‌ رۆژنامه‌وانیه‌دا عادل نوری‌، راوێژكار له‌وه‌زاره‌تی‌ كۆچ و كۆچبه‌رانی‌ عێراق ئاماژه‌ی‌ به‌وه‌كرد: هه‌ر هاوڵاتییه‌ به‌هۆی‌ تۆپبارانه‌كان ئاواره‌ بووبێت بڕی‌ (2,250,000) دوو ملیۆن و دوو سه‌دو په‌نجا هه‌زار دینار وه‌رده‌گرێت، هه‌روه‌ك هه‌ر هاوڵاتییه‌كیش بریندار بووبێت بڕی‌  (2) ملیۆن دینار وه‌ك قه‌ره‌بوو وه‌رده‌گرێت.

 له‌باره‌ی‌ ئه‌و 19 شه‌هیده‌ی‌ كه‌ به‌هۆی‌ تۆپبارانه‌وه‌ شه‌هید بوون وتی‌:"خێزانی‌ هه‌ر شه‌هیدێك بڕٍی‌  (3,750,000) سێ‌ ملیۆن‌و حه‌وت سه‌دو په‌نجا هه‌زار دیناری‌ پێده‌درێت.