قه‌ره‌یلان: با سه‌ره‌تا ئیسرائیل داواى لیبوردن له‌ گه‌لى کورد و په‌که‌که‌ بکات

سه‌رۆکى کۆنسه‌ى به‌رێوه‌به‌رایه‌تى کۆما جڤاکێن کوردستان  ره‌وشى ئه‌م دوایه‌ هه‌ڵسه‌نگاند و گۆشه‌گیرکردنى ئۆجه‌لانى به‌ شه‌رێکى سایکۆلۆژى بۆ

 تێکشکاندنى په‌که‌که‌ به‌ناوکرد و بانگى به‌رخۆدانى به‌رامبه‌ر سیاسه‌تى شه‌رخوازانه‌کرد و بانگى له‌ هێزه‌ کوردستانییه‌کان باشور کرد و رایگه‌یاند گه‌ر کورد

 سیاسه‌تى نه‌ته‌وه‌یى هه‌بێت هیچ هێزێک ناتوانێ به‌رامبه‌ر ئێمه‌ راوه‌ستێت و داواشی له‌ ئیسرائیل کرد سه‌ره‌تا داوای لێبوردن له‌ گه‌لی کورد و په‌که‌که‌ بکات.

   شه‌ڕێکى سایکۆلۆژى

هه‌ستیارى بۆ رێبه‌ر ئاپۆ و  گرنگى ئه‌و بۆ کۆمه‌ڵگه‌ى کورد باش ده‌زانرێ، به‌ پێشێل‌کردنى ئه‌و هه‌ستیاره‌ هه‌وڵ ده‌ده‌ن له‌ نێو کۆمه‌ڵگه‌دا خه‌مساردى

 بخوڵقێنن، مه‌ترسیدارترین شت ئه‌وه‌یه‌، هیچ که‌سێک ئاگاى له‌ دۆخى رێبه‌ر ئاپۆ نیه‌، زمانمان ناهێنێ  به‌ڵام دیسان ده‌ڵێین، ده‌رهه‌قى رێبه‌راتیماندا هیچ

 زانیاریه‌کمان له‌ به‌رده‌ست دا نیه‌، ئه‌وه‌ى ده‌کرێ شه‌ڕێکى سایکۆلۆژى و بچوککردنه‌وه‌یه‌، ده‌یانه‌وێ به‌وه‌ هه‌نگاومان بۆپاشه‌وه‌ پێ بنێن  و  ئه‌نجام به‌ده‌ست بێنن.

  رێگه‌ بده‌ین رووداوى مه‌زن روو ده‌ده‌ن

به‌روونى ده‌ڵێم ئێمه‌ دیسان به‌ پێى بۆچونى حکومه‌تى ئاکه‌په‌ و ده‌وڵه‌ت خه‌م‌ساردانه‌ هه‌ڵسوکه‌وت ده‌که‌ین، ده‌بێ بزارنێ که‌ مۆڵه‌ت بده‌ین رووداوى زۆر

 مه‌زن ڕووده‌ده‌ن، ئه‌وه‌ له‌ گه‌ڵ خۆى دا ئه‌نجامى گران دێنێته‌ ئاراوه‌.

  مه‌به‌ست تێکشاندنى په‌که‌که‌یه‌

گه‌وهه‌رى ئه‌و کۆنسێپته‌ تێکشکاندنى په‌که‌که‌یه‌، بۆ پێکهێنانى ئه‌وه‌ش ده‌یانه‌وێ رێبه‌راتیمان بێ ده‌نگ بکه‌ن، په‌یوه‌ندى له‌گه‌ڵ کۆمه‌ڵگه‌ ببڕن، رۆڵى له‌

 چارسه‌رى دا وه‌لاوه‌ بنێن و  به‌رێبازى چه‌وساندنه‌وه‌ و سه‌رکوت ، به‌ریوه‌به‌رایه‌تى بزوتنه‌وه‌که‌مان له‌ به‌ریه‌ک هه‌لوه‌شێنن.

  بە‌رخۆدان قه‌رزه‌ له‌سه‌ر شانمان

به‌رخودان قه‌رزێک له‌ ئه‌ستۆماندا، به‌رخودان ئه‌کیکى مرۆیى ئێمه‌یه‌، له‌ دژى ئه‌و نه‌خشه‌ى پاکتاوکاریه‌ بێ ده‌نگ نابین.

بانگه‌وازى قه‌ره‌یلان بۆ گه‌لى کورد

ده‌بێ به‌ر له‌ هه‌موو شتێک گه‌لى کورد باش بزانێ که‌ نه‌خشه‌یه‌کى جدى له‌ ئارادایه‌، به‌تایبه‌تى کرده‌وه‌کانى دژ به‌ ریبه‌راتیمان به‌ واتاى سه‌رکوت‌کردنى

 گه‌له‌که‌مان دێ، له‌ دۆخێکى وادا هیچ زانیارى و ئاگاداریه‌ک له‌ رێبه‌راتیمان نازانین، رۆژ رۆژى چالاکیه‌، رۆژ رۆژى نیشان دانى ئیراده‌یه‌، ده‌بێ هه‌موو

 گه‌له‌که‌مان له‌ دژى ئه‌و هێڕشانه‌ى حکومه‌تى ئاکه‌په‌ له‌ راسته‌خۆ ده‌نگى ئازادى و دیموکراسى به‌رز بکاته‌وه‌ و داکۆکى له‌ رێبه‌رایه‌تى بکات.

 تێوه‌گلاندنى هێزه‌کانى باشور و بێ‌ستاتۆکردنى گه‌لى کورد

به‌ ئۆپه‌راسیونى زه‌مینى ده‌یانه‌وێ  هه‌رێمى رۆژهه‌ڵاتى ناوه‌ڕاست سه‌رله‌نوێ دیزاین بکه‌نه‌وه‌ و له‌ناو ئه‌و دارشتنه‌وه‌یه‌دا ده‌یانه‌وێ کوردان بێ پێگه‌ بکه‌ن،

بۆ ئه‌وه‌ى ئه‌و ئامانج پێک بێ هه‌وڵ‌ده‌ده‌ن هیزه‌کانى باشورى کوردستانیش به‌شدارى ئه‌و پیلانگیریه‌ بکه‌ن .

 ئامانجى یه‌که‌مین، لاواز کردنى په‌که‌که‌ و په‌ژاکه‌، پاشانیش هه‌ول ده‌ده‌ن کوردان چاو ترسێن بکه‌ن و په‌یمانى لۆزانى سه‌رله‌ نوێ زیندوو بکه‌نه‌وه‌ پێش

 ئاماده‌کارى بۆ لۆزانى دووه‌م ده‌یانه‌وێ ته‌ڤگه‌رى کورد سه‌رکوت بکه‌ن. گه‌شتى سه‌رفه‌رماندارى ئه‌رته‌شى تورک له‌ باکورى کوردستان و بڕیاره‌کانى

 ئه‌نجومه‌نى ئاشایشى نه‌ته‌وه‌یى تورک و سه‌ردانى راوێژکارى وه‌زاره‌تى ده‌ره‌وه‌ى تورکیا بۆ عیراق  به‌و ئامانجه‌یه‌.

   باوه‌ڕمان به‌ خۆمان هه‌یه‌ هێرشه‌کان تێکده‌شکێنین، باوه‌ڕ ناکه‌ن سه‌یرى ئێران بکه‌ن

ئێمه‌ باوه‌ڕمان به‌ خۆمان هه‌یه‌ و ده‌ڵێین هه‌موو ئه‌و هێرشانه‌ى پشتقایمه‌ به‌ توندوتیژى بێ ئه‌نجام ده‌مێنێ ئه‌گه‌ریش  باوه‌ڕ ناکه‌ن، با سه‌یرى هیرشى ئێران

 بکه‌ن که‌ له‌سه‌ر قه‌ندیل که‌ چ روویدا. خۆراگرى گه‌ریلاکانى ئازادى له‌ قه‌ندیل نیشانى داوه‌ که‌ سه‌رکه‌وتنیکى مه‌زن به‌دست هاتووه‌، به‌پێچه‌وانه‌ى

 زانیاریه‌کانى چاپه‌مه‌نى تورک، په‌ژاک له‌و خۆراگریه‌دا سه‌رکه‌وت و ئاگر به‌ستى راگه‌یاند.

      وڵامێک بۆ مه‌سعود بارزانى

 ئێمه‌ ده‌مانه‌وێ پرسه‌کانى کورد به‌ رێگاى دیالۆگ چاره‌سه‌ر بکه‌ین، به‌ڵام دۆخێکى دیکه‌ له‌ ئارادایه‌، ئه‌وه‌ى شه‌ڕ ده‌سه‌پێنێ ئیمه‌ نین، به‌ڵکو داگیرکه‌ره‌. له‌

 به‌ر ئه‌وه‌ى چه‌نده‌ له‌ راستیه‌وه‌ دووره‌ که‌ ده‌ڵێن ته‌ڤگه‌رى کورد ته‌نیا به‌رێگاى تێکۆشانى چه‌کدارى ده‌یه‌وێت ئه‌نجام به‌ده‌ست بێنێ، هه‌ڵسه‌نگاندنى به‌و   شێوه‌یه‌ له‌لایه‌ن ده‌زگاکانى چاپه‌مه‌نى تورک ده‌کرێ به‌ ئامانجى شه‌ڕى ده‌روونى ده‌رکرێ، ده‌بێ بزانرێ که‌ راستى به‌و شێوه‌یه‌ نیه‌ که‌ میدیاى ده‌وڵه‌تى تورک

 باسى ده‌که‌ن .ئه‌و ره‌وشه‌ بۆ ئێرانیش به‌ هه‌مان شێوه‌یه‌.

له‌ راستیدا ده‌وڵه‌تى ئێرانیش به‌ ئێمه‌ى وتبوو، تاکه‌ ئامانج ئێوه‌ نین. ئامانج ئه‌وه‌ بوو ‌هاوکات په‌یمانێک به‌ حکومه‌تى باشورى کوردستان بده‌ن، بۆیه‌ پێش

 قه‌ندیل هێرشیان کرده‌ سه‌ر  حاجى ئۆمه‌ران و چۆمان، داوتر هێرشیان کرده‌ سه‌ر قه‌ندیل و له‌ گه‌ڵى دا پرسى سنور که‌وته‌ رۆژڤه‌وه‌. سنورێکى که‌ باسى ده‌که‌ن، هه‌ندێک ده‌ڤه‌رى گرنگى قه‌ندیل ده‌گرێته‌وه‌، بۆیه‌ ئێمه‌ رووبه‌رووى ئیران بووینه‌وه‌، ئه‌وه‌ راست نیه‌ که‌ ده‌ڵێن هیزه‌کانى په‌ژاک ده‌چن چالاکى ده‌که‌ن

 و بۆیه‌ ئێران  هێرش ده‌کات. گرنگ ئه‌وه‌یه‌ که‌ قۆناغه‌که‌ باش مایه‌ى تیگه‌یشتن بێ.

ئامانجى هێرشه‌کانى سه‌ر قه‌ندیل

ئامانجى ئه‌و  سیاسه‌تى سه‌پاندنى ته‌سلیمکاریه‌ به‌سه‌ر بزوتنه‌وه‌ى ئازادیدا بڕیارى شه‌ڕى ئاکه‌په‌ له‌سه‌ر ئه‌و ئامانجه‌یه‌. زۆر ئاشکرایه‌ که‌ نه‌خشه‌یه‌که‌ هه‌موو

 گه‌لى کوردى کردۆته‌ ئامانج و خراوه‌ته‌ گه‌ڕ.

  با سه‌ره‌تا ئیسرائیل داواى لیبوردن له‌ گه‌لى کورد و په‌که‌که‌ بکات

پێش ئه‌وه‌ى ئه‌وه‌ باس بکه‌م په‌که‌که‌ بزوتنه‌وه‌یه‌کى خاوه‌ن هێزه‌، ئێستا له‌ هه‌رێمه‌که‌دا هێزى ناونه‌ته‌وه‌یى و ده‌سه‌ڵاتپارێز بوونیان هه‌یه‌، هێڵى په‌که‌که‌ش

 دیموکراتپارێزه‌، ئێمه‌ له‌سه‌ر ئه‌و بنه‌مایه‌ (40) ساڵه‌ تێکۆشان ده‌که‌ین، بزوتنه‌وه‌یه‌کى وه‌ها نابێت ببێته‌ ئامرازى ئه‌م یاریانه‌، ئه‌وه‌ زۆر شه‌رمه‌.
به‌راستى ئێمه‌ نازانین وه‌زیرى ده‌ره‌وه‌ى ئیسرائیل شتێکى وه‌هاى وتوه‌ یا نا، به‌ڵام ئێمه‌ له‌ چوارچێوه‌ى بنه‌ماکانى خۆمان بۆ هه‌موو تێکۆشانێک ئاماده‌ین،

 گه‌ر ئیسرائیلیش بیهه‌وێ له‌گه‌ڵ په‌که‌که‌ په‌یوه‌ندى دروست بکات پێویسته‌ پیشکه‌کى داواى لیبوردن له‌گه‌لى و کورد و په‌که‌که‌ بکات که‌ رۆڵى له‌ راده‌ستکردنى رێبه‌ر ئاپۆدا له‌ پیلانگێڕى ناده‌وڵه‌تیدا هه‌بووه‌.
 
  بانگه‌وازى بۆ هێزه‌ کوردستانییه‌کان "سازش نه‌که‌ن، مل که‌چ نه‌که‌ن"

زۆر گرنگه‌ که‌ هه‌موومان له‌ دژى ئه‌و نه‌خشه‌یه‌ له‌ نێو هاوکاریدا بین، له‌ هه‌موو پارچه‌کان ماف و به‌رژوه‌ندیه‌کانى گه‌لى کورد و سه‌نگه‌ره‌کانى بپارێزێن،

 به‌ڵام له‌ به‌رامبه‌ر داگیرکارى سازش نه‌که‌ین و مل که‌چ نه‌که‌ین، له‌سه‌ر ئه‌و بنه‌مایه‌ بانگ له‌ هه‌موو سیاسه‌تمه‌دارانى کورد ده‌که‌م، له‌ به‌رامبه‌ر هیرشه‌ داگیرکاریه‌کانى که‌ به‌ سه‌رکێشى ده‌وڵه‌تى تورک به‌رێوه‌ده‌بڕێ، هه‌ڵوێستیێکى هاوبه‌ش نێشان بده‌ن، پێکه‌وه‌ بجوڵینه‌وه‌ و پشتگیرى بده‌نه‌ یه‌ک.

  سیاسه‌تمان یه‌کێتى نه‌ته‌وه‌یى بێت هیزى که‌س ناتوانێ تێکمان بشکێنێ

ئه‌گه‌ر ئێمه‌ له‌ هه‌ڵویستى یه‌کێتى نه‌ته‌وه‌یى و سیاسه‌ت له‌سه‌ر بنه‌ماى پاراستنى به‌رژوه‌ندى نه‌ته‌وه‌یى سیاسه‌تێکى هاوبه‌ش به‌رێوه‌به‌رین، هێزى هێچ

 که‌سێک ناتوانێ تێکمان شکێنێ، له‌و باوه‌ڕه‌دام که‌ سیاسه‌تى کورد له‌و چوارچێوه‌یدا په‌ره‌ى پێبدرێ.

  سڵاو له‌ به‌خۆدانى گه‌ل له‌ باشور و بنه‌ماڵه‌ى شه‌هیدان

کارایلان هه‌ڵویستى نه‌ته‌وه‌ییانه‌ى گه‌لى کوردى له‌ به‌رامبه‌ر هێرشه‌کان وه‌ک هه‌لوێستى شایانى پێزانینه‌ هه‌ڵسه‌نگاند و سڵاوى له‌ به‌رخودانى گه‌لى کورد له‌

باشور و ده‌زگا دیموکراتیه‌کان کرد وجارێکیتر سه‌ره‌خۆشى له‌ بنه‌ماڵه‌ى ئه‌و که‌سانه‌ کرد که‌ له‌ ئاکامى هێرشه‌که‌دا ژیئانیان له‌ ده‌ستداوه‌.

  شه‌ڕمان ناوێ، به‌رامبه‌ر سیاسه‌تى شه‌ڕخوازانه‌ش تا دوایى شه‌ڕ ده‌که‌ین

جارێکى تر ڕوون و ئاشکرا ده‌ڵێین، ئێمه‌ شه‌ڕمان ناوێ، به‌ڵام له‌به‌رامبه‌ر هێز و لایه‌نه‌کانه‌ى که‌ به‌ شه‌ڕ ده‌یانه‌وێ بگه‌نه‌ ئامانجه‌کانیان   تا دوایى شه‌ڕ

 ده‌که‌ین  خۆمان ده‌پارێزێن، جارێکیتر نیشانى ده‌ده‌ین که‌ گه‌لى کورد و گه‌ریلاى ئازادى تێک ناشکێ، له‌سه‌ر بنه‌ماى داننان به‌ ناسنامه‌ى کوردک بۆ هه‌موو

چارسه‌ریه‌کى ئاشتیانه‌ کراوه‌ین، له‌سه‌ر ئه‌و بابه‌ته‌ رێبه‌راتیمان بانگیکى له‌سه‌رۆک وه‌زیر کرد و وتى ، با به‌ڵێنى چارسه‌رى ئاشتیانه‌ى بۆ پرسى کورد بدا،

 رێى له‌سه‌رم بکاته‌وه‌، له‌ ماوه‌ى هه‌فته‌یه‌ک دا پرسه‌که‌ چاره‌سه‌ر ده‌که‌ین ، به‌لام سه‌رۆک وه‌زیر وه‌لامى ئه‌و بانگه‌ى نه‌دایه‌وه‌ به‌ پێچه‌وانه‌وه‌ بڕیارى شه‌ڕى

 دا، ده‌بێ هه‌موو که‌سێ ئه‌و دۆخه‌ بزانێ و ببینێ.