داوا له‌ هەردوو سەرۆك دەکەن،ژیانی دوولاوی رۆژهه‌ڵاتى کوردستان له‌ سێداره‌ رزگار بکه‌ن

که‌مپینى به‌رگرى له‌ زیندانى سیاسى و مه‌ده‌نى له‌ نامه‌یه‌کى سه‌رئاوه‌ڵادا داوا له‌ سه‌رۆك ‌کۆمارى عێراقى فیدرال و سه‌رۆکى هه‌رێمى

 کوردستان ده‌که‌ن

له‌ نامه‌که‌دا هاتووه‌ که‌ دوو گه‌نجى مه‌ریوانى به‌ ناوى لوقمان و زانیار مورادى به‌ تۆمه‌تى محارب و هه‌وڵدان بۆ تیرۆرى ئیمام جومعه‌ى

 مه‌ریوان حوکمى سێداره‌یان بۆ بڕاوه‌ته‌وه‌ و ئیمام جومعه‌ى ئه‌م شاره‌ش ئاماده‌ نییه‌ کاتى ئیعدامکردنى ئه‌م دوو گه‌نجه‌ ئاماده‌ بێت به‌

 هۆکارى ئه‌وه‌ى گومانى له‌و کاره‌ هه‌یه‌.

بەرموون لەگەڵ دەقی نامەکە:

نامه‌ى سه‌رئاوه‌ڵاى که‌مپه‌ینى به‌رگرى له‌ زیندانى سیاسى و مه‌ده‌نى

بۆ به‌ڕێزان مام جه‌لال تاڵه‌بانى سه‌رۆك کۆمارى ئێراقى فیدڕاڵ
کاك مه‌سعود بارزانى سه‌رۆکى هه‌رێمى کوردستان

به‌ڕێزان...

هه‌روه‌ك ئاگادارن رێژیمى کۆمارى ئیسلامى ئێران به‌ بیانووى جۆراوجۆر وه‌ك تیرۆر یا ئه‌ندامبوون له‌ حیزبه‌ به‌رهه‌ڵستکاره‌کان و

 دژبه‌رى ئێران و چالاکوانانى سیاسى نه‌ته‌وه‌ییمان، هاووڵاتیانى کوردى دانیشتووى رۆژهه‌ڵاتى کوردستان ده‌ستبه‌سه‌ر و زیندانى و

 ئه‌شکه‌نجه‌ ئه‌درێن و حوکمى ئێعدام و له‌سێداره‌دانیان به‌سه‌ردا ده‌سه‌پێنن که‌ ئه‌وه‌ پێچه‌وانه‌ى بنه‌ماکانى مافى مرۆڤه‌.

هه‌ر له‌م پێوه‌ندییه‌دا دوو هاووڵاتى کوردى خه‌ڵکى شارى مه‌ریوان، به‌ تۆمه‌تى کوشتن و تیرۆرى کوڕى ئیمام جومعه‌ى ئه‌م شاره‌ به‌

 ناوه‌کانى زانیار مورادى له‌ ١ى ئه‌گۆستى ٢٠٠٩ و لوقمان مورادى له‌ ١٧ى ئۆکتۆبرى ٢٠٠٩ له‌ لایه‌ن هێزه‌کانى ئیتڵاعاتى له‌ شارى

 مه‌ریوان قۆڵبه‌ست کران و له‌ ٢٢ى دێسه‌مبه‌رى ٢٠١٠ له‌ لایه‌ن لقى (١٥)ى دادگاى شۆڕشى ئیسلامى له‌ شارى تاران، به‌تۆمه‌تى

 موحارب سزاى ئیعدامیان به‌ سه‌ر دا سه‌پا به‌ تۆمه‌تى کوشتنى کوڕى ئیمام جومعه‌ى مه‌ریوان.

ئه‌و دوو گه‌نجه‌ کورده‌ له‌ژێر قورسترین شێوازه‌کانى ئه‌شکه‌نجه‌دا دانیان به‌ کوشتنى کوڕى ئیمام جومعه‌ى ئه‌وشاره‌ داناوه‌، که‌ ته‌نانه‌ت

 ئیمام جومعه‌ى شارى مه‌ریوان هێزه‌ ئه‌منییه‌کانى شارى مه‌ریوانى ئاگادار کردۆته‌وه‌ که‌وا نایهه‌وێ له‌کاتى جێبه‌جێکردنى حوکمى

 ئێعدامى ئه‌و دوو گه‌نجه‌دا له‌وێ ئاماده‌بێ به‌هۆى ئه‌وه‌یکه‌ گومانى هه‌یه‌ له‌وه‌یکه‌ ئه‌و دوو گه‌نجه‌ کورده‌ کوڕه‌که‌ى ئه‌ویان کوشتبێ.

بۆ ئاگادارى به‌ڕێزتان پێشتر ڕێکخراوى لێبۆردنى نێونه‌ته‌وه‌یى به‌ده‌رکردنى لێدوانێکى به‌په‌له‌ سه‌باره‌ت به‌ڕه‌وشى ئه‌و دوو گیراوه‌

 کورده‌ ڕایگه‌یاندبوو:

ئه‌و دوو گیراوه‌ بۆ ماوه‌ى ٩ مانگ له‌ لایه‌ن ئیداره‌ى ئیتلاعاته‌وه‌ ده‌ستبه‌سه‌ر بوون، بێ ئه‌وه‌ى له‌و ماوه‌یه‌ دا هیچ تۆمه‌تێکى کوشتنیان

بخرێته‌ پاڵ. ئه‌وان چه‌ندین جار بۆ گرتووخانه‌ى جیاواز ڕاگوێزراون و سه‌رئه‌نجام له‌ مانگى دێسه‌مبه‌رى ٢٠١٠ دا بۆ به‌ندى ٤ى

 گرتووخانه‌ى ره‌جایى شارى که‌ره‌ج گوازرانه‌وه‌.

رێکخراوى لێبوردنى نێونه‌ته‌وه‌یى به‌ ئاماژه‌دان به‌ نامه‌یه‌کى لوقمان و زانیارى مورادى ڕایگه‌یاندبوو: ئه‌و دوو گیراوه‌ کورده‌، له‌ ماوه‌ى

 ده‌ستبه‌سه‌ربوونیان دا له‌ گرتووخانه‌کانى وه‌زاره‌تى ئیتلاعات، ماوه‌ى ٢٥ ڕۆژ ئه‌شکه‌نجه‌ کراون، گوشاریان له‌ سه‌ر بووه‌ و هه‌ڕه‌شه‌ى

ده‌ستدرێژى سێکسیان لێکراوه‌ تا "دان" به‌وه‌ دابنێن که‌ که‌سێکیان کووشتووه‌. له‌و ماوه‌یه‌ دا ئه‌و دوو گیراوه‌، له‌ ده‌ستپێڕاگه‌یشتن به‌

 خزمه‌تى پزیشکى پێویست بێبه‌ش بوونه‌.

سه‌پاندنى سزاى له‌سێداره‌دان و پشتڕاستکردنه‌وه‌ى له‌ لایه‌ن دادگاى پێداچوونه‌وه‌ له‌ ڕێکه‌وتى ١٥٧ ژانویه‌ى ٢٠١٠ له‌ کاتێکدایه‌ که‌

 "زانیار مورادی" له‌ کاتى ده‌ستبه‌سه‌ر کردنیدا ته‌مه‌نى ته‌نیا ١٧ ساڵ بووه‌ و ئه‌مه‌ به‌ پێچه‌وانه‌ى ئه‌و کونوانسیۆنه‌ نێونه‌ته‌وه‌ییه‌کانه‌ که‌

 رژیمى ئێران واژۆى کردووه‌، سه‌باره‌ت به‌ پاراستنى مافى نه‌وجه‌وانان.

ئێمه‌ وه‌ك که‌مپه‌ینى به‌رگرى له‌ زیندانیه‌ سیاسى و مه‌ده‌نییه‌کانى ئێران و کوردستان داوا له‌ به‌ڕێزانتان ده‌که‌ین که‌وا هه‌موو هه‌وڵێکى

 خۆتان بخه‌نه‌ گه‌ێ‌ بۆ به‌رگرى کردن له‌و دوو گه‌نجه‌ کورده‌ى دانیشتوى رۆژهه‌ڵاتى کوردستان و پاراستنیان له‌ مه‌ترسى ئێعدام و

 کوشتن.

به‌ سوپاسه‌وه‌

که‌مپه‌ینى به‌رگرى له‌ زیندانى سیاسى و مه‌ده‌نى

٢٦/١/٢٠١٢